Operacioni “Livadhet”, ishte i shpallur në kërkim, arrestohet 25-vjeçari në Shkodër

Finalizohet operacioni i koduar “Livadhet”, për kapjen e shtetasve në kërkim. Nga aksioni është vënë në pranga 25-vjeçari Seid Curraj.

Ky shtetas ishte shpallur në kërkim, pasi Gjykata e Shkallës së Parë e Juridiksionit të Përgjithshëm Shkodër i ka caktuar masën e sigurisë “Arrest në burg”, për veprat penale “Vjedhja”, e kryer në bashkëpunim, “Mbajtja pa leje dhe prodhimi i armëve, armëve shpërthyese dhe municioneve” dhe “Prodhimi dhe shitja e narkotikëve”.

Më datë 29.04.2025, gjatë kontrollit të ushtruar në vendin e quajtur Livadhet e Kirasit, në lagjen “Guerile”, në një ambient u gjetën dhe u sekuestruan, në cilësinë e provës materiale, 1 armë zjarri automatike, municion luftarak, një sasi lënde e dyshuar narkotike kanabis, si dhe automjeti tip “Toyota Hilux”, pa targa, i cili u gjet i fshehur dhe i mbuluar në një distancë rreth 100 m larg, ku pas verifikimit rezultoi se ishte i vjedhur në qytetin e Durrësit.

Gjithashtu është shpallur në kërkim edhe një 39-vjeçar.

Materialet procedurale iu referuan Prokurorisë së Shkodrës, për veprime të mëtejshme.