Loading ...DURRËS- Marjan Kedheli i cili vrau me thikë babain e tij Pjetër Kedheli në Shkallnur të Durrësit pak ditë më parë do të qëndrojë në burg.
Gjykata vendosi masën e sigurisë për 25-vjeçarin i cili ka deklaruar në sallën e gjyqit se ngjarja ka ndodhur pas një debati me babain.
Pas kësaj bisede Kedheli ka treguar se i është përgjigjur “këtu jam”, ndërsa shikonte telefonin. Ka qenë ky moment ka thënë 25vjeçari kur babai e ka kapur nga fyti dhe ai e ka goditur me thikë.
Pas konfliktit Kedheli ka dale nga shtëpia për tu kthyer sërish për të marrë telefonin, ka goditur të atin me shufër hekuri dhe është larguar perseri.
Avokatja e 25-vjecarit tha se ai vuan nga probleme të shëndeti mendor dhe kërkoi rehabilitimin e tij në spital psikiatrik.
Sipas hetimeve krimi ka ndodhur në katin e parë të banesës, në kuzhinë. Viktima ka marrë dy plagë në kokë dhe pesë plagë në trup, ndërkohë që janë konstatuar edhe plagë të lehta në formë gërvishtjesh.
Thika me të cilën është kryer vrasja është gjetur në vendngjarje, së bashku me shufrën e hekurit.
Ndërkohë bashkëshortja e viktimës ka treguar se Marjani gjatë ditës ishte i mërzitur. Në momentin kur ajo ka dalë për tu kujdesur për bagëtitë ka dëgjuar britmat e Pjetrit dhe më pas është kthyer në banesë, ku ka parë Marjanin duke e goditur të atin me thikë në trup. Ajo ka tentuar t’ia marrë thikën, por nuk ka mundur.
Pas ngjarjes Marjan Kedheli është larguar nga banesa. Ai u arrestua nga policia në një lokal në pronësi të motrës së tij në zonën e Shkëmbit të Kavajës.
/abcnews.al/
