Loading ...
Manchester City ka pranuar ofertën e Arsenalit për shërbimet e trajnerit Mikel Arteta. Numri 2 i stolit të “Cityzens” kërkohet prej shumë kohësh nga Arsenali dhe më fund, gjithçka duket se do të zyrtarizohet.
Pep Guardiola pranoi mbrëmë se e ardhmja e asistentit të tij do të mësohet shumë shpejt dhe fjalët e teknikut spanjoll kanë rezultuar të vërteta.
Siç raportojnë mediat angleze dhe shumë gazetarë të njohur, Arteta dhe Arsenal kanë rënë dakord për të gjitha detajet e marrëveshjes, si dhe i është ofruar garanci qëndrimi deri në fund të projektit dhe buxhet i mjaftueshëm për merkaton.
Mikel Arteta do të firmosë për tre vite e gjysmë dhe do të përfitojë 5 milionë euro në sezon me kontratën e “Topçinjve”./abcnews.al
