Loading ...“Ai ishte për vite e vite me radhë, yll apo superyll i shfaqjes më të shikuar të vendit dhe në çdo rol, interpretimi i tij ishte më i pëlqyeri, ishte i përsosur.”
E ka fjalën për rolin e Edi Ramës dhe për aktorin që identifikohet me të. Florian Binaj mori më në fund mbështetjen jo të papritur të selisë blu për vetëkandidimin e tij për Bashkinë e Tiranës.
Por Berisha u mundua t’i zbehë Binajt suksesin e tij më të madh. Sipër kreut të PD, Binaj i Portokallisë nuk ishte më i suksesshem sesa Binaj me kollare portokalli.
“Ai, së bashku me bashkëpunëtorë, me ekip, kanë ndërtuar dhe paraqesin një nga emisionet investigative më të shikuara, Piranjat, të cilat Edi Rama, i tmerruar”
Por Binaj tani punon te Syri TV, i cili edhe nëse nuk është i lidhur me portofolin e doktorit, ka lidhje direkte me zyrën e tij. Sa i pavarur është ai?
“Aq sa ç’ishte kur punonte tek ABC News. Kaq i pavarur është. Të garantoj. E hoqi Edi Rama nga ABC Neës me Fugën e tij. Pra, tek SYRI patën kurajo dhe i dhanë hapësirën, por ata i kishin ndërtuar Piranjat, siç e dini ju vetë, tek ABC. Por se e përzuri Sokol Balla, jo Sokol Balla, por Edi Rama”
Në fakt Edi Rama e konsideron shok Florian Binajn, aq shok sa i besoi atij edhe pjesë nga fushata e vitit 2013, që rrëzoi Sali berishën.
Bota thonë, është portokall. Së paku për Sali Berishën. I cili pasi u refuzua nga njerëzit e tij më të votuar, pasi refuzoi të nxirrte emra politikë, i sigurt ndoshta për një humbje në kryeqytet, nuk pati asnjë alternativë tjetër, por vuri përballë një betejë politike me Edi Ramën në Tirane, thjesht sozinë e tij më të mirë. Kjo pasi oferta për Binajn, ka një polic sigurie. Pas zgjedhjeve, mund të rikthehet menjëherë e të drejtoje Piranjat. Sigurisht me një shtesë rroge.
Të vetmit që nuk duken të shqetësuar për kandidimin e Binajt, duken socialistët. Ata janë të qetë: në krye të fushatës kanë versionin origjinal: Edi Ramën.
“Unë pres që PS të ketë të njëjtën mbështetje sicc pati në Fier në Tiranë në 11 maj, në këto zgjedhje të pjesshme”
