Loading ...
GREQI- Policia e Greqisë ka zbardhur vrasjen e 47-vjecarit nga Gjirokastra, Artur Bashimi, ndodhur mbrëmjen e 18 gushtit në Agio Pantaleimona të Athinës.
Për ngjarjen kriminale u arrestua një 27-vjeçar grek , përdorues droge, i cili, siç i tha policisë pas arrestimit, mori përsipër të ekzekutonte 47-vjeçarin për një shumë financiare prej 15,000 euro.
Ai theksoi se nuk e njeh personin që porositi vrasjen e shqiptarit, por tha se urdhri erdhi nga brenda burgjeve greke.
Vrasja e shqiptarit u bë më 18 gushtit në kryqëzimin e rrugëve Michael Voda dhe Rodou në Athinë. Në atë kohë, autori i krimit, i cili po ngiste një motoçikletë, iu afrua dhe qëlloi për vdekje shqiptarin./abcnews.al
