U godit nga rrufeja kur po ruante bagëtitë, humb jetën 47-vjeçari në Pogradec

Një 47-vjeçar në Pogradec ka humbur jetën pasi është goditur nga rrufeja gjatë kohës që po ruante bagëtitë në fshatin Velçan të Pogradecit.

“Rreth orës 10:00, dyshohet se si pasojë e goditjes nga rrufeja, gjatë kohës që ruante bagëtitë në fshatin Velçan, ka humbur jetën shtetasi L. Ç., 47 vjeç (çoban). Gjithashtu, si pasojë kanë ngordhur rreth 20 krerë bagëti të imëta”, njofton policia.

Grupi hetimor është në vendngjarje dhe po punon për dokumentimin e rrethanave të ngjarjes./abcnews.al