Loading ...Në 10 Qarqe në vend gjatë 24 orëve të fundit u raportuan 26 vatra zjarri.
Në Vlorë, Gjirokastër, Lezhë, Shkodër, Dibër, Korçë, Tiranë, Kukës, Durrës dhe Berat.
Pas punës së rreth 449 forcave operacionale me 64 automjete zjarrfikës 14 efektivë nga Forcat e Armatosura dhe 1 helikopteri Cuger vatrat e zjarrit u shuan të gjitha.
Flakët përfshinë kryesisht sipërfaqe me bimësi dhe dogjën rreth 56 hektarë me pemë, shkurre e barishte.
Në dy raste zjarret janë evidentuar një në biznes dhe tjetri në banesë. Dëmet e shkaktuara sipas Ministrise se Mbrojtjes ishin vetëm materiale.
Në bashkinë e Durrësit, zjarri i rënë në një treg industrial shkaktoi dëm të konsiderueshëm.
Një tjetër vatër u evidentua në dy puse nafte, në fshatin Kozarë të Kuçovës.
Pas ndërhyrjes së zjarrikësve të bashkisë së Kozarës dhe Beratit flakët u neutralizuan, por ato dëmtuan 2 elektromotorrë të 2 puseve të naftës.
Shkak për rënien e zjarrit sipas Ministrisë së Mbrojtjes është bërë këputja e telave të tensionit të ulët.
Të hënën Instituti i Gjeoshkencave parashikon nivel të lartë rreziku per zjarr në qarqet Lezhë, Durrës, Tiranë, Berat dhe Fier, ndërsa në qarqet e tjerë risku sipas autoriteteve parashikohet I moderuar./abcnews.al
