Loading ...Premto të kundërtën e kundërshtarit. Sa herë Edi Rama premton jetëgjatësinë e SPAK, Berisha del me kërcënimin për ta shkrirë atë.
Si shembullin më të mirë merr ish-Prokurorinë e Krimeve të Rënda, por me një kusht, që mos e hetojë atë, siç e heton SPAK.
“Një prokurori që arreston liderët e opozitës. Absolutisht, Shqipëria do të ketë prokurorinë më të pavarur. Kemi patur një Prokurori të Krimeve të Rënda, e cila nuk shiste mandatet e arrestit në avancë.”
Rrezikoi të lërë emigrantët të paguajnë vetë postën, por pasi bashkoi mazhorancën dhe miratoi ndryshimet në Kod, kryedemokrati, me një thirrje miqësore, u kërkoi të regjistrohen për të votuar.
Premtimin e dytë pas shkrirjes së SPAK, Berisha thotë se ka kthimin e butë të shqiptarëve. Edhe ky një premtim i vjetër, dhe pa asnjë plan.
“Sot jam këtu për t’u drejtuar me një thirrje më miqësore të gjithë emigranteve dhe emigrantëve, të gjithë shqiptarëve jashtë Shqipërisë, në diasporë dhe emigracion. Regjistrohuni, 4 marsi është nesër.
Ndër të tjera ky projekt parashikon një kuadër ligjor, kuadër fiskal, një kuadër stimujsh për zbarkimin e butë të shqiptarëve jashtë vendit.”/abcnews.al
