Këto janë sendet e gjetura në tavolinë në apartamentin ku ishte e mbyllur 21-vjeçarja e cila një ditë më parë ngriti në këmbë Policinë e Shtetit, Forcat RENEA, pas telefonatës denoncuese të bërë në polici.
Siç shihet në foton, e siguruar nga gazetarja Bleona Sari, në tavolinë ndodhen pije, shishe birre, mbetje droge, pistoletë, paketa cigare të grumbulluara.
Një ditë më parë Forcat e Policisë kanë hyrë nga dritarja, pasi në momentin e mbërritjes në katin e tetë të pallatit ku ndodhej vajza, kjo e fundit nuk u hapi derën.
Në këtë mënyrë forcat e policisë, bënë të mundur ndërhyrjen me litarë nga dritarja. Lidhur me këtë ngjarje, policia ka bërë këtë të premte një reagim zyrtar duke theksuar se pesë persona janë shpallur në kërkim dhe se këta shtetas kanë mbajtur të mbyllur 21-vjeçaren Sajma Qordja në apartament.
/abcnews.al/
