Massimiliano Mirabelli është i bindur, ai klub që arrin të blejë Franck Kessie do të bënte një lëvizje të mirë në merkato. Ish-drejtori sportiv i Milanit ka folur në “Radio Marte” dhe këshillon Napolin ta blejë mesfushorin.
“Është një nga mesfushorët më të rëndësishëm në Itali. Është i ri, ka një strukturë fizike të rëndësishme, është i jashtëzakonshëm. Kessie po vuan pak me Milanin dhe uroj që Napoli ta marrë, pasi do të bënte goditjen e shekullit.
Giuntoli është një njohës i mirë i futbollit dhe kushdo që e merr Kessie do të bënte një punë të madhe. Mund të bëjë gjëra të rëndësishme, pasi nuk i mungon asgjë. Mbase vetëm një ekip që i jep më shumë besim”, ka deklaruar Mirabelli. /abcnews.al
