FIER- Pas më shumë se një viti e tre muaj pas hekurave Fredi Beleri la qelinë të hënën.
Gjykata e Fierit pranoi kërkesën e tij për t`u liruar me kusht.
Në dalje u prit nga i biri ndërsa sa kaloi pragun e burgut të Fierit të parin mesazh zgjodhi ta përcjellë në gjuhën greke.
Mediave të vendit fqinj e me pas atyre shqiptare u tha se do ta kërkojë pafajësinë në Strasburg dhë nëse fiton do t`i rikthehet jetës politike.
Por deri sa të flasë Strasburgu duket se do të jetojë jashtë Shqipërisë, në Greqi aty ku u zgjodh eurodeputet.
Beleri hodhi akuza për paligjshmëri në zgjedhjet e gushtit në Himarë megjithatë tha se do të bashkëpunonte me pasardhësin e tij, Tavon për të mirën e qytetit.
Beleri u lirua me kusht nga qelia afro gjashtë javë nga përfundimi i dënimit për korrupsion zgjedhor./abcnews.al/
