Rusia ka shtuar 92 amerikanë në listën e saj të personave non grata në vend, duke përfshirë gazetarë nga The New York Times, The Washington Post, The Wall Street Journal dhe disa zyrtarë amerikanë.
Ministria e Jashtme e Rusis tha se ndalimi u zbatua “në përgjigje të kursit rusofobik të ndjekur nga administrata Biden me qëllimin e deklaruar “për t’i shkaktuar një disfatë strategjike Moskës”.
Gazetarët e ndaluar, tha ministria, përfaqësojnë “botimet kryesore liberalo-globaliste të përfshira në prodhimin dhe shpërndarjen e ‘fakeve’ rreth Rusisë dhe forcave të armatosura ruse”.
Kryeredaktorja e Wall Street Journal, Emma Tucker, e cila ndoqi Rusinë për arrestimin dhe dënimin e gazetarit të Journal Evan Gershkovich, ishte mes gazetarëve të ndaluar.
Gershkovich ishte i burgosur në Rusi për më shumë se një vit dhe u lirua së fundmi në një shkëmbim të burgosurish Rusi-Perëndim. Javën e kaluar, SHBA njoftoi sanksione të reja ndaj më shumë se 400 subjekteve të akuzuara për mbështetjen e Rusisë gjatë luftës së saj me Ukrainën.
Sipas Departamentit të Thesarit, sanksionet u fokusuan në firmat në Rusi, Evropë, Azi dhe Lindjen e Mesme, të akuzuara për ndihmën e Rusisë për të shmangur sanksionet e SHBA-së dhe për të mundësuar luftën e saj në Ukrainë.
Koha e njoftimit të ministrisë ruse pason gjithashtu lajmet e fundit se SHBA po lëviz për të furnizuar ushtarët ukrainas me armë mbrojtëse për fushatën e Ukrainës kundër inkursionit rus.
/abcnews.al
