gazetare

Zykaj-1280x667.jpg
eri Ida09:09 | 19/03/2020

Gazetarja e ABC News Erisa Zykaj në Bruksel në një lidhje direkte për ABC e Mëngjesit ka dhënë detaje për vendimin e një dite më parë në lidje me vendimin për hapjen e negociatave të Maqedonisë së Veriut, e Shqipërisë me Bashkimin Evropian.

Zykaj në fjalën e saj me gazetarin Enkel Demi është shprehur se vendimi i djeshëm nuk mund të quhet një rekomandim zyrtar pasi duhet të presim datën 24 mars nëse nuk do të kemi një shtyrje për shkak të kronavirusit nëse do të kemi apo jo një vendim poriztiv.

Ndër të tjera ajo është shprehur se deri më tani situata duket se është në favor të këtij vendimi pasi tashmë asnjë vend anëtar në Be nuk është kundra, pasi dhe Holanda tashmë ka dhënë një “po”, të kushtëzur.

Intervista e plotë:

Enkel Demi: Dje ne kemi marrë një lajm që është rekomandimi për çeljen e negociatave për Shqipërinë dhe Maqedoninë e Veriut

Erisa Zykaj: Nuk është ende rekomandim Enkel, që të jemi të qartë me terminologjinë, ka qenë një takim me ambasadorët e përhershëm të Bashkimit Evropian, të cilët duhet të paraqesin dhe të konsultohen me njëri tjetrin për draftin e konkluzioneve të ministrave të Jashtëm të BE në lidhje me vendimin për hapjen e negociatave me BE për Shqipërinë dhe Maqedoninë e Veriut. Dje është zhvilluar ky takim dhe deri më tani nuk kemi asnjë shtet anëtar në BE që të jetë shprehur kundër anëtarësimit të dy vendeve në BE. Asnjë nga shtetet anëtarë nuk është kundër vendimit pozitiv për hapjen e negociatave të anëtarësimit, ne kemi parë një ndryshim zyrtar nga Holanda, e cila është shprehur për një “PO”, të kushtëzuar këtë vendim e ka ruajtur edhe dje përmes ambasadorit të saj, Holanda mendon se është momenti për të marrë nje vendim pozitiv.

Gjuha ka ngelur e njëjtë për të dy vendet, pasi shtetet anëtare mendojnë se të dy vendet kanë bërë progres për hapjen e negociatave, por në draft konkluzionin e fundit kjo gjuhë mund të ndryshojë për Shqipërinë mund të bëhet pak më e ashpër sepse ne e dime dhe e kemi bërë dhe të qartë se nuk është i njëjti vlerësim për Shqipërinë dhe Maqedoninë e Veriut. Maqedonia e Veriut e ka tashmë të hapur rrugën për negociatat dhe kanë një dhënie të një date më të sigurt se Shqipëria, e cila mund të ketë pak a shumë kushtëzimin që i ka vënë Gjermania deri më tani. Këtë e themi me siguri të plotë pasi qëndrimi i Holandës ka ndryshuar pasi ministri i Jashtëm i Gjermanisë Michael Roth ka shkuar në Holandë dhe ka njoftuar komisionin e çështjeve evropiane në parlamentin Holandez se qasja më e mirë  për Shqipërinë do të ishte kushtëzimi sipas bundestagut dhe duket se Holanda e ka përqafuar këtë qasje. Deri më tani kemi një “po”, të parë nga 27 vendet anëtare, por gjuha mund të jetë më e ashpër për Shqipërinë nga ajo për Maqedoninë e Veriut.

Pse kemi arritur deri këtu? Komisioni Evropian i ka dyfishuar përpjekjet për të binduar shtete anëtare dhe kjo ka funksionuar. Ka aprovuar metodologjinë e re për zgjerim që e bën më të besueshëm prcesin reformat bëhen më konkrete, nuk ka më raporte që të prezantohen nga Komisioni Evropian dhe shtetet anëtare do të thonë se po jemi dakord, jo tashmë çdo gjë do të kontrollohet në mënyrë strikte nëse reformat janë zbatuar në këto shtete. E dyta progresi i raportit që u paraqit nga Komisioni evropian ishte pozitiv për të dy këto shtete dhe për këtë ne kemi foluar gjatë. Të dyja bashkë këto bëjnë që këtë radhë komisioni evropian e ka betonizuar mund të themi rekomandimin për të dy vendet dhe është shumë e vështirë tashmë për vendet anëtare që të thonë se jo sepse nuk ka më arsye. Tashmë është dhënë besimi se tashmë nuk është më si më përpara, çdo gjë ka ndryshuar këto dy vende kanë vazhduar që të bëjnë progres në lidhje me kërkesat e këshillit të ministrave që në vitin 2018 se ku duhet të bënin progres të dyja vendet dehe të dyja bashkë këto bëjnë që për momentin nuk kemi asnjë shtet zyrtar kundër.

Franca ne e dimë qëndrimin kam pyetur ministren e çështjeve Evropiane para disa javësh dhe ajo më ka thënë se duhet ti shikojmë të dyja nga njëra anë metodologjinë e re pasi është ajo që ata donin, ne kemi thënë se është një lloj kopje e rekomandimit francez dhe nga ana tjetër duam të shikojmë që raporti për progres në BE na bind. Për të parë që ato kanë bërë me të vërtetë progres për reformat, për shtetin ligjor, për luftën ndaj korrupsionit dhe krimit. Përderisa mkëto të dyja janë bëshkë, dje me ambasadorët e përhershëm të BE nuk kanë kundërshtaur. Edhe këtë të enjte në orën 12:00 do të ketë sërish një takim me ambasadorët e përhershëm dhe do të shikojmënëse kjo do të kaljë si çështje me 24 mars ku do të mblidhen ministrat e Jashtëm të BE, e thëm këtë se ka pasur një informacion pasi duke qenë në rrethanat e koronavirusit kjo çështje mund të shtyhet, deri dje nuk është shtyrë nëse do të ndodhë sot ne do ta marrim vesh, por burime të presidencës kroate janë shprehur shumë optimiste sepse të gjithë shtetet anëtare e konsiderojnë si një çështje strategjike dhe shpresojmë që të ndodhë kjo.

Frika është që që me 24 mars ministrat e Jashtëm ta aprovojnë dhe kjo të mbetet e paaprovuar nga Kryetarët e shteteve dhe qeverive me datë 26-27 pasi fokusi kryesor mund të qëndrojëte koronavirusi por mund të ndodhë edhe kjo. Dhe opsioni tjetër të aprovohet nga ministrat e Jashtëm të BE dhe të thuhet dhe nga lidërt evropianë se aprovojnë vendimin për hapjen e negociatave për Shipërinë dhe Maqedoninë e Veriut, më pas hapja do të bëhet përmes etapave, një etapë ose dy etapa për Maqedoninë e Veriut më shumë për Shqipërinë dhe kjo mund të ndodhe por shpresoj të kemi një rekomandim të tillë, që dhe Kroacia e mbështet dhe shprehet optimiste për një gjë të tillë dhe shpreson se kjo do të bëhet realitet me 24 mars në takimin e ministrave të jashtëm.

Enkel Demi: Historia është e thjeshtë nuk kemi më rezistencë Francë Holandë, në këtë rast Shqipëria do të veçohet, jo në vendimarrje nuk e penalizon më Maqedoninë, por pasi duhet të plotësojë kushtet e Bundestagut gjerman, reforma zgjedhore, në Drejtësi, gjykata kushtetuese, zgjedhjet të lira dhe të ndershme.

Erisa Zykaj: Diferencimi bëhet për dhënien e një date dhe zhvillimin e konferencës ndërkombëtare të shteteve dhe këtu bëhet diferenca. Maqedonia e Veriut është më e favorizuar, pasi ne kemi parë që i vetmi vend që ka qenë kundër ka qenë Holanda që kërkonte krijimin e Prokurorisë së Përgjithshme që ta aprovonte patjetër asnjë shtet tjetër nuk ka thënë gjë për reforma për Maqedoninë e Veriut duke u mjaftuar me një hap madhor siç ishte ai i me Greqinë.

Enkel Demi: Edhe për faktin se Maqedonia e Veriut u kursye nga marria që u quajt reforma në Drejtësi  në Shqipëri një dështim i plotë, Evropianet nuk e pranojnë këtë në Shqipëri, por e pranojnë në Maqedoninë e Veriut se kjo është një dështim, kjo i ka kërsyer kohë, ndërsa me ne nuk ka ndodh një gjë e tillë. Me situatën e koronavirusit a funksionon Brukseli, apo jeni të gjithë nëpër shpia?

Erisa Zykaj: Karantina në Bruksel është ndryshe nga vendet e tjera të Bashkimit Evropian ku është e plotë si në Itali, Francë apo Spanjë. Sepse ndryshe nga vendet e tjera pas masave të shpalluara nga kryeministrja belge ka dhënë urdhër që deri me 5 prill të mos dalë asnjë nga Belgjika, për 14 ditë janë në karantinë që është e kufizuarjanë mbyll, baret restorantet, dfunksionojnë farmacitë, kioskat e gazetave, ushqimoret, dhe aty është vendosur 30 minuta për çdo person për të bërë blerjet . Ajo që bën diferencën është se qeveria e Belgjikës rekomandon që të bëhet aktiviteti fizik në natyrë, duke ruajtur distancën.

Enkel Demi: Vetë Rama në një nga statuset e veta ka publikuar një virolog në Itali i cili thekson kotësinë e përdorimit të maskave dhe rrezikshmërinë e dorezave, se nuk ndalohet që të dalësh por masat që janë marrë në Shqipëri dhe unë në këtë rast jam me Ramën, janë se këtu dilnin me grupe. Dhe ai dje ka theksuar se  meqë ju nuk merrni vesh atëherë jeni të detyruar që të mos dilni grupe grupe. Ti bën sport por ruan distancën, nuk besoj se në Bruksel shfaqen të moshuar krahë më krahë e çifte etj.

Erisa Zykaj: Ndërkohë ditën e djeshme është dhënë një urdhër që të ndalohen makinat për tu futur në parqe në mënyrë që personat të kenë hapësirë që të shkojnë në park dhe të ruajnë distancat.

Enkel Demi: Siç nuk është e drejtë që dhe Zvicra i bën tamponët të diferencuar do i bëjmë dhe ne. Unë kam parë sot se Belgjika ka zgjidhur një krizë qeveritare.

Erisa Zykaj: Koronavirusi i shtyu forcat politike që të krijojnë një qeveri, në këto kushte kur nuk u krijua qeveria në kushte normale u formua qeveria teknike./abcnews.al

metaaa.jpg
eri Ida12:23 | 18/03/2020

Presidenti i vendit, Ilir Meta këtë të mërkurë ka falenderuar në mënyrë të veçantë të gjithë gazetarët në vend, të cilët në këtë kohë të vështirë pandemie vijojnë të qëndrojnë në krye të detyrës.

Meta përmes një postimi në rrjetin social Facebook shkruan se ata po bëjnë një punë të shkëlqyer heroike dhe atdhetare në shërbim të informimit publik, transparencës dhe mbrojtjes së shëndetit të çdo qytetari në Republikën e Shqipërisë.

Ndërkohë krahas postimit ai ka publikua një foto te reporterëve me maska e doreza.
“Punë heroike e atdhetare në shërbim të informimit publik”, Presidenti Meta ka një mesazh falenderimi për gazetarët

Falenderoj me mirënjohje të gjithë gazetarët, në veçanti reporterët e terrenit, operatorët, dhe stafet teknike, që në…

Gepostet von Ilir Meta am Mittwoch, 18. März 2020

Falenderoj me mirënjohje të gjithë gazetarët, në veçanti reporterët e terrenit, operatorët, dhe stafet teknike, që në këto momente të vështira po bëjnë një punë të shkëlqyer heroike dhe atdhetare në shërbim të informimit publik, transparencës dhe mbrojtjes së shëndetit të çdo qytetari në Republikën e Shqipërisë! 👏

Mbështetje dhe solidaritet të plotë edhe me familjet e tyre!

SË BASHKU PËR TË MBROJTUR SHËNDETIN E ÇDO QYTETARI!/abcnews.al

Capture-68.png
So Nila09:15 | 18/03/2020

Kina  përshkallëzoi luftën e saj propagandistike me Shtetet e Bashkuara, mbi atë se kush do të fajësohet për përhapjen e koronavirusit, duke vendosur masa kufizuese në disa ndërmarrje të medias së njohur botërore, përfshirë The New York Times, The Washington Post dhe Wall Street Journal, duke shkaktuar një kundërshtim të fortë nga administrata Trump.

Është vetëm masa e fundit e marë nga Pekini për të ndëshkuar SHBA-në për raportimin e saj mbi pandeminë globale, ku origjina e së cilës është gjurmuar në Wuhan, Kinë, shkruan News18

“Vendimi i Partisë Komuniste Kineze për të dëbuar gazetarët nga Kina dhe Hong Kongu është një tjetër hap drejt privimit të popullit kinez dhe botës, nga aksesi në informacionin e vërtetë në lidhje me Kinën,” tha në tweet-er Këshilli i Sigurisë Kombëtare.

“Shtetet e Bashkuara u bëjnë thirrje krerëve të Kinës të revokojnë përpjekjet e tyre nga dëbimi i gazetarëve dhe përhapja e dezinformatave, për t’u bashkuar me të gjitha kombet në ndalimin e koronavirusit Wuhan.”

Në një deklaratë, Kina kufizimet e reja për gazetarët amerikanë,  i quajti një hakmarrje ndaj administratës Trump, për kontrollin e numrit të gazetarëve nga pesë media kineze të drejtuara nga shteti kinez, që punojnë në Shtetet e Bashkuara, gjatë muajit të kaluar.

Një zëdhënës nga Ministria e Punëve të Jashtme të Kinës akuzoi SHBA- në ” krijimin e vështirësive” për gazetarët  kinezë dhe duke iu nënshtruar atyre “diskriminimit  dhe shtypjes  politike”.

Si përgjigje, Kina tani ka kërkuar informacion me shkrim për gazetarët dhe shefat e tyre në degët me bazë në Kinë të New York Times, Wall Street Journal, revistës Washington Post dhe Time, përfshirë financat e tyre dhe pronat e pasurive të patundshme në Kinë.

“Individët që ne i identifikuam disa javë më vonë,  nuk ishin media që vepronin lirshëm,” tha sekretari i shtetit Mike Pompeo.

“Ata ishin pjesë e mediave kineze të propagandës. Ne i kemi identifikuar këto si misione të huaja nën ligjin amerikan. Më vjen keq për vendimin e sotëm të Kinës, për të përjashtuar më tej aftësinë e botës për të kryer operacione të shtypit të lirë “.

Qeveria kineze u ka dhënë gazetarëve katër ditë  për të njoftuar Departamentin e Informacionit të Ministrisë së Punëve të Jashtme dhe se duhet t kthejnë kartat e tyre të shtypit brenda 10 ditëve kalendarike.

“Ata nuk do të lejohen të vazhdojnë të punojnë si gazetarë në Republikën Popullore të Kinës, përfshirë Rajonet e saj të veçanta të Hong Kong dhe Macao”, thuhet në deklaratë.

Kina i quajti rregullat e reja të ashpra por si “vetëmbrojtje të ligjshme dhe të justifikuara në çdo kuptim”.  /abcnews.al

 

Watch-Anxious-journalist-shouts-while-a-snake-touches-the-microphone.jpg
eri Ida13:00 | 09/02/2020

Një ngjarje e pazakontë i ka ndodhur një gazetarje që punon për rrjetin televiziv australian Nine Netëork.

Përmes pamjeve të videos do të shikoni momentet e ankthit të gazetares Sarah Caëte.Gjatë prezantimit të një kronikë për gjarpërinjtë, një piton që kishte në shpatulla filloi të kafshonte mikrofonin e gazetares.

Fatmirësisht këto ishin vetëm disa momente frike për gazetaren, pasi ajo nuk pësoi asnjë pickim apo lëndim për të./abcnews.al

rula-jebreal-sanremo-2020.jpg
So Nila12:23 | 05/02/2020

Me këtë fjali emocionoi sallën e Sanremo-s,  Rula Jebreal, gazetarja e njohur gjatë monologut të saj kundër dhunës së grave.

“Nesër, më pyesni si ishin veshur prezantueset e Sanremo-s, pyesni edhe si ishte veshur Jebreal, por të mos pyetur më kurrë një grua si ishte veshur ditën që e përdhunuan. Të mos pyetet më kurrë!  Nëna ime, Nadia, kishte frikë nga kjo pyetje dhe nuk ja doli dot, si shumë gra të tjera. Ne s’duam të kemi më frikë. Nuk duam të jemi më viktima, jetime, një aksesor apo një kuotë.

Unë ja kam borxh nënës sime, ia kam borxh vetes. Ia kemi borxh vajzave tona dhe atyre vogëlusheve atje jashtë. S’mund të lëmë më askënd të na heqë të drejtën për të fjetur me një përrallë. Ne gratë, duam të jemi të lira në hapësirë, në kohë. Duam të jemi të heshtura, të bëjmë zhurmë. Duam të jemi kjo që është tani: Muzikë!”- kështu e mbyll Rula monologun që i bëri njerëzit të mbanin frymën për minuta me radhë.

Mes të tjerash, analistja tregoi se fëmijërinë e saj e ka kaluar me shumë dhimbje:

 

“Jam rritur në një jetimore me vogëlushe të tjera. Çdo natë tregonim nga një histori dhe të gjitha, ishin përralla të trishta. Tregonim historinë e nënave tone, të dhunuara, të përdhunuara, të torturuara…”

Fillimisht, pjesëmarrja e Rula Jebreal nuk u mbështet nga një pjesë e mirë e italianëve.

Deklaratat e saj të mëparshme – në të cilat i quante italianët racistë – nuk u pritën mirë, por sot, thuajse të gjithë portalet italiane kishin në kryefaqe monologun e mbajtur dje në Sanremo./abcnews.al

 

carol-1.jpg
So Nila14:04 | 28/01/2020

Ajo është një nga prezantueset më të famshme në Britaninë e Madhe dhe kjo, edhe për shkak të pamjes së saj.

Por së fundmi Carol Vorderman i është futur një pune, që zakonisht e bëjnë vajzat e reja.

59-vjeçarja do të prezantojë motin, në një TV në Uells.

Për këtë, asaj i është dashur që të mësojë gjuhën brenda dy muajve. Vorderman ka qenë gjithmonë në qendër të vëmendjes së publikut, për format e saj, por këtë radhë është kthyer në lajmin ‘kryesor’ në Britani, pikërisht për shkak se ka vendosur të bëhet “vajza e motit”, në moshën 59-vjeçare./abcnews.al

 

 

 

 

 

 

 

 

 

 

 

familja-lala-1.png
R D23:58 | 16/12/2019

Godina 4-katërshe e familjes Lala ishte ndërtuar në kushtet e informalitetit, por më pas është legalizuar dhe hipotekuar me dokumente tërësisht false. Ish-drejtori i Aluiznit në Durrës dhe nëpunës të tjerë kanë firmosur e vulosur pa bërë asnjë vlerësim për këtë objekt, që u shemb fatalisht mëngjesin e 26 nëntorit, duke marrën jetën e 8 personave.

Vila u shemb pjesërisht në fillim, ndërsa banorët e tjerë të lagjes kanë dëgjuar ulërimat e familjarëve që kërkonin ndihmë. Pas disa orësh  godina u shemb plotësisht (shih pamjet me poshtë).  Prej andej doli i gjallë vetëm 17-vjeçari Ramë Lalaj.

Gazetarja Klodiana Lala e ftuar në “Opinion”, tha se ishte ndërhyrë në kolona të cilat nuk e mbajtën peshën e objektit, ndërsa shtoi se shkelje të tjera lidhen me mënyrën sesi janë bërë këto ndërtime.

“Këtu ka një skandal sepse ka një kontratë mes pronarit dhe një kompanie, që në pamje të parë duhet si kompani prestigjioze, por në fakt kjo kontratë është vetëm në letër dhe punimet nuk i ka bërë kompania në fjalë”.

Gazetarja tha se Prokuroria ka evidentuar se banesën e ka ndërtuar një person, që nuk është e qartë nëse është individ apo firmë ndërtuese, ndërsa deklaroi se për legalizimin e saj është përdorur një projekt i falsifikuar.
“Por skandali qëndron se është përdorur një projekt i falsifikuar, i firmosur nga Neviana Isufaj, e arrestuar, e cila është arkitekt, dhe ky projekt nuk ka qenë i shtëpisë por është përdorur vetëm për legalizim”.

Shtëpinë nuk e kishin ndërtuar vetë, por ia kishin besuar një personi që quhet Rasim Shehu nuk del qartë nëse individ apo sipërmarrës.

DOSJA HETIMORE

Lidhur me paligjshmëritë e konstatuara ne objektin godine banime e familjes Lala, lagjia nr.17,Durrës.

Objekti katër katesh “Vila Lala” i cili ndodhet në lagjen nr. 18/1, në rrugën “MihalRama” Durrës, është ndërtuar nga shtetasi Rasim Shehu, i cili ka ndërtuar këtë objekt me porosi të familjes Lala, pa projekte të miratuara në lidhje me strukturën dhe qëndrueshmërinë e objektit. Si pasojë e lëkundjeve të tërmetit kanë pësuar vdekjen shtetasve Amelia Lala, Emiljo Lala, Enisa Lala, Dionis Lala, Sahadete Lala, Ilir Lala, Griselda Lala dhe Marjeta Lala.

Pas kryerjes se procedurës se legalizimit te objektit dhe nevojës per regjistrimin e tij, nga ana e shtetases Nevjana Isufi me profesion Arkitekte dhe aktualisht eshte drejtuese ligjore e shoqerise J&F Architectural Designer SHPK, ka firmosur ne emer te shtetasit Vasil Gjoni me detyre Inxhinier lidhur me plan rilevimin ee baneses dhe planvendosjes se saj.E pyetur lidhur me kete fakt ajo ka deklaruar se ka firmosur ne emer te studios.

Nisur nga sa më sipër, rezulton se ekzistojnë dyshime të bazuara se nga ana e shtetases Nevjana Isufi, në cilësinë e hartuesit te “Planit te rilevimit” date 30.10.2015 per pasurinë ne emër te shtetases Sebahadete Lala shtetësia Nevjana Isufi ka nënshkruar ne emër te Ing. Vasil Gjoni i cili nuk e ka përpiluar dhe nënshkruar kete “Plan Rilevimi”,duke sjelle per pasoje regjistrimin e pasurisë me nje plan rilevimi te falsifikuar dhe duke kryer ne këto kushte veprën penale te “Falsifikimi i dokumenteve” parashikuar nga neni 186/3 të Kodit Penal.
Provat e administruara ne funksion te këtij rasti jane si vijon:

• Është terhequr nga Zyrat e ASHK Durres dosja e objektit me referenca me Nr. 0010575 ZK.8511 Nr. Pas. 18313, vol. 48 fq. 64 me pronar Sahadete Lala.

Objekti është regjistruar në Hipotekë nëpërmjet ALUIZNIT me leje Legalizimi nr. 151151 datë 30.10.2015 godinë banimi katër kate mbi tokë me sipërfaqe të parcelës ndërtimore 427.78 m2 dhe sipërfaqe ndërtimi 118.8 m2, sipërfaqja totale e banimit 676.8 m2.

• Ne kete fashikull ndodhen, kontratë shitje pasurie midis ALUIZNIT dhe Sehadete Lala. Kalimi i pronësisë për pasurinë me nr. 18/167 me sipërfaqe 427.78 m2 në Zk. 85.11, sipas VKM 1481 datë 12.11.2008.

• Genplani i cili është firmosur nga Ing. Ilirjan Keçi me detyrë Përgjegjësi i Sektorit të Hartografisë dhe Përpunimit të Informacionit Gjeografik në ALUIZNI Durrës, përditësimi është bërë nga G.Koçi dhe punoi E.Hoxha, frimosur nga Drejtori i Aluiznit Flamur Gjuzi.

• Plan Rilevimi i cili është përgatitur nga Ing. Vasil Gjoni i cili deklaron se nuk e ka firmosur ai kete plan rilevimi, por eshte firmosur nga drejtuesia e studios.

• Akt Kualifikimi Nr.8907 datë 06.08.2015,

• Formulari i Vetëdeklarimit Nr. 776 datë 24.02.2005, përpiluar nga Sehadete Lala.

• Vetëdeklarim për legalizimin e objektit nr. 815 datë 29.08.2006 . Ku është pasqyruar viti i ndërtimit të objektit 06/2002. Gent Plan i datës 09.08.2008 për të katër katet e ndërtesës është firmosur nga G.Keçi, R.Zeqja, E.Baruti, G.Demka, F.Çuni, A Halili, Sh.Demo.

• Procesverbal Verifikimi në terren i datës 08.10.2014 firmosur nga G.Keçi, R.Zeqaj dhe I.Keçi Hartograf. Ortofotodigitale datë 14.04.2007 firmosur nga Ilirjan Keçi dhe Flamur Gjuzi, ku disa specialiste te zyres se Aluiznit kane qene te pranishem ne Gen Plan me iniciale, por qe me pas eshte skanuar ne zyrat e ASHK Durres dhe jane identifikuar me gjeneralitete te sakta, Gerald Koci, Rovin Zeqja, Elham Baruti, FaslliCuni, Agron Halili, Sheptim Dema dhe Aleks Prenga.

• Jane te vendosur ne dosje edhe formularët e pagesave sipas deklaratave dhe mënyrës së pagesës së bërë nga aplikuesi. Deklaratë Personale e datës 08.201.2014 e firmosur nga deklaruesi Sehadete Lala e cila sipas formularit deklaron se mbart mbi vete koston e dëmtimeve qe vijnë si pasojë e punimeve të kryera në objekt per shkaqet natyrore, kur nuk janë respektuar kushtet teknike, përdorimit të objektit ndërhyrjet ne rikonstruksionin mbajtës të objektit.

Viktimat

Marjeta Lala 31 vjeçe
Emilio Lala 6 vjeç
Dionis Lala pa mbushur 2 vjeç
Dionisa lala pa mbushur 2 vjeçe
Amelia Lala 10 vjeçe
Arjela Lala 5 vjeçe
Griselda Lala 22 vjeç
Sadete Lala 50 vjeçe
Ilir Lala 52 vjeç

/abcnews.al

c2a7c747-6f20-4416-a680-12785c8665f0.jpg
R D22:41 | 14/12/2019

Unioni i Gazetarëve Shqiptarë që drejtohet nga Aleksandër Çipa i ka drejtuar një tjeter thirrje qeverisë. Përmes një postimi në facebook, unioni thotë se po tentohet censura ndaj medias.

Deklarata

Gazetarët shqiptarë, mediat shqiptare, organizatat e medias dhe ato të shoqërisë civile i bëjnë thirrje qeverisë të tërheqë menjëherë dhe pa negociata dy projektligjet e prezantuara si “Paketa Antishpifje”; i bëjnë thirrje Qeverisë që të tërheqë urgjentisht këto projektligje.Organizatat vërejnë se dy projektligjet, ai për transformimin e AMA-s në një agjenci censure, dhe të AKEP-it në një agjenci përmbarimore për vendimet censuruese të AMA-s, përbëjnë një akt të paprecedent në botën demokratike.

Çështjet e etikës, të tilla si e drejta e përgjigjes ndaj një akuze, apo e drejta e dhënies së fjalës para publikimit të një akuze, në çdo vend demokratik trajtohen nga kodet e etikës dhe organet vetërregulluese të medias.

Çështje të luftës hibride, dizinformimit, financimit me para të pista të medias apo partive politike nga politika apo krimi i organizuar janë të tilla që duhet të hetohen nga organet ligjzbatuese në përputhje me ligjet dhe garancitë që ofrohen nga ligjet ekzistuese, të tilla si kodi penal apo kodi i procedurës penale.

Shqipëria ka ligje që rregullojnë çështjet kur media shkel të drejtat e të tjerëve dhe çdo ndërhyrje tjetër, përfshirë krijimin e një organi administrativ është krejtësisht i panevojshëm në një shoqëri demokratike.

Çështjet e shpifjes dhe fyerjes në Republikën e Shqipërisë dhe në çdo vend ku sundon shteti i së drejtës duhet të shqyrtohen vetëm dhe vetëm në gjykata si pushtet i pavarur. Tentativa për të zëvendësuar gjykatat me organe drejtpërsëdrejti në varësi të pushtetit politik përbën bazë për shkelje të rënda të të drejtave themelore të njeriut dhe mund të transformohet në një gur themeli për një regjim diktatorial.

Screenshot_2.png
R D17:34 | 02/12/2019

Kryeministri Edi Rama ka sulmuar sërish mediat dhe gazetarët pasditen e sotme. Teksa dilte nga takimi me ndërtuesit, Rama iu rikthye historisë së Durrësit, ku një djalë i ri i ishte ankuar se i vdiq babai për shkak se e transportuan nga Durrësi në Berat. “Ikëm nga frika se na thanë se do shembet spitali”, iu ankua banori i Durrësit. Duke marrë shkas nga ky rast, Rama iu drejtua gazetarëve me fjalët: Së pari kujdes me raportimet…për fajin tuaj atij djalit i vdiq babait. Se ju keni thënë po bie spitali i Durrësit”.

Lexo edhe:

Banori i Durrësit mes lotësh: Më vdiq babai, s’më japin kartelën e vdekjes

 

 

fatos-hakorjaa.jpg
ad min22:02 | 08/10/2019

Jo vetëm Rama, por të gjitha institucionet kanë një tendencë që të mos e shohin median si bashkëpunëtore. Kështu tha këtë të martë, kryeredaktori i TV Klan, Fatos Hakorja, nga emisionin “Provokacija”.

Përgjatë gjithë karrierës së tij, Hakorja ka vërejtur se puna e Ramës është vështirësuar me gazetarët. Megjithatë në disa raste, mediat i japin hapësirë kryeministrit që të vendoset në sulm.

“Është vështirësuar puna e Ramës me gazetarët. Ka një tendencë të të gjitha institucioneve nisur edhe nga Kryeministri për ta parë median jo si bashkëpunëtore e këtij sistemi ku jetojmë. Përveç si kazan e kanë klasifikuar si të paaftë. Mbase edhe kryeministri ka të drejtë që shpeshherë disa media, ose më saktë disa portale, botojnë informacione të pavërtetuara. Pra ngatërrojnë informacionin me opinionin dhe një opinion botohet si informacion.

Ne mund ta kemi bindjen që qeveria është e korruptuar, por për të publikuar një material të tillë duhet që ta vërtetojnë. Unë nuk e përqafoj këtë qasje të kryeministrit ndaj medias edhe kur media gabon, por edhe këto media i japin zë kryeministrit për të na vënë shpeshherë në sulm”, tha Hakorja, gjatë një bisede që pati me Mustafa Nanon për problematikat e medias në ditët e sotme./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono