I njohur si “Zoti i drogës”, konfiskohen pasuritë e Alket Hatijas dhe familjarëve të tij

Prokuroria e Posaçme kundër Korrupsionit dhe Krimit të Organizuar krahas ushtrimit të ndjekjes penale është kujdesur që të ketë në vëmendje të punës së saj edhe identifikimin, sekuestrimin dhe konfiskimin e pasurive të cilat dyshohen se rrjedhin nga krimi.

Pasuritë e sekuestruara:

1. Pasurinë e paluajtshme e llojit “truall”, me sipërfaqe 495 m², me adresë Lagjia “Plazh”, Durrës, në pronësi të shtetasit Alket Hatija.
2. Pasurinë e paluajtshme e llojit “truall”, me sipërfaqe 320 m², me adresë Lagjia “Plazh”, Durrës, në pronësi të shtetasit Alket Hatija;
3. Pasurinë e paluajtshme e llojit “garazh”, me sipërfaqe 14.74 m², me adresë Lagjia Nr.13, Plazh, Durrës, në pronësi të personit të lidhur M. H.
4. Pasurinë e paluajtshme e llojit apartament, me sipërfaqe 118 m², me adresë Lagjia nr.1, Rruga “Taulantia”, Durrës, në pronësi të personit të lidhur F.H.
5. Pasurinë e paluajtshme e llojit “apartament”, me sipërfaqe totale 65 m², me adresë Kryemëdhenj, Kavajë, në pronësi të shtetasit F. H.;
6. Automjetin tip autoveturë i markës BMW, prodhim i vitit 2003;
7. 49% të kuotave të subjektit “Aquila Marble” sh.p.k., që i përkasin personit të lidhur M.H.;

Hatija u arrestua në gusht të vitit të kaluar pasi Gjykata e Apelit në Milano e ka dënuar atë,me 20 vjet burgim, për veprën penale “Trafikimi i lëndëve narkotike”, parashikuar nga Kodi Penal italian.

Alket Hatija akuzohet se ka bashkëpunuar me 40 shtetas të tjerë për trafikimin e lëndëve narkotike. Gjatë periudhës 2003-2004, ky shtetas ka kryer veprimtaritë kriminale të mbajtjes, shitjes dhe trafikimit të lëndës narkotike heroinë, nga Shqipëria në Itali me vlerë nga 35 deri në 45 milionë euro./abcnews.al