Gati 17 000 migrantë kanë mbërritur në Britani të Madhe deri më tani – gjatë këtij vit – përmes La Manshit.
“Totali i përkohshëm i numrit të mbërritjeve deri më tani është 16 903 – me më shumë se 1 000 kalime të regjistruara brenda javës së fundit”, sipas shifrave të Home Office.
Në fillim të kësaj jave, numri i migrantëve që kaluan përmes kanalit të La Manshit regjistroi një tjetër rekord – në shtatë muajt e parë të një viti kalendarik.
Numri i mbërritjeve për vitin 2024 deri më sot është 15% më i lartë – krahasuar më të njejtën periudhë të vitit të kaluar (14 732) – por 2% më i ulët se në të njëjtën periudhë të vitit 2022 (17 169), sipas të dhënave të qeverisë.
Fotot treguan grupe njerëzish të veshur me jelek shpëtimi që silleshin në breg nga varkat e Forcave Kufitare në Dover, Kent, në vazhdën e kalimeve të fundit, mes motit të ngrohtë dhe kushteve të qeta, por të mjegullta në det.
