Loading ...
Ishte një ndër befasitë më të bukura të sezonit, me futbollin ofensiv që aplikuan nën udhëheqjen e trajnerit Thiago Motta.
Bologna zyrtarisht ka siguruar kualifikimin në Champions League për vitin e ardhshëm, pasi gjenden në vendin e tretë me 67 pikë të grumbulluara.
Gjatë kësaj fundjave, Bologna arriti që të merrte një fitore me rezultatin 2-0 në transfertë ndaj Napolit, falë golave të shënuar nga Dan Ndoye dhe Stefan Posch.
Të udhëhequr nga Thiago Motta jashtë vijave dhe me një lider si Joshua Zirkzee në fushë i cili ka qenë ‘makineri’ e golave këtë sezon, Bologna tashmë ka bërë realitet ëndrrën e kualifikimit në garën më prestigjioze për klube në Europë.
Megjithatë, kjo formë e shkëlqyer e tyre këtë sezon mund të bëjë që ata të mbesin pa shërbimet e Thiago Mottës sezonin e ardhshëm, pasi për të kanë shprehur interesim disa klube anembanë Europës.
Një ndër klubet që po përmendet si kandidat kryesor për të siguruar shërbimet e teknikut italian është Juventusi, megjithëse mbetet të shihet gjatë javëve dhe muajve në vazhdim nëse do të realizohet përfundimisht marrëveshja./ h.ll/abcnews.al
BOLOGNA, WE DID IT. ❤️?#UCL #WeAreOne pic.twitter.com/OCzf1RD2E4
— Bologna FC 1909 (@BolognaFC1909en) May 12, 2024
