Loading ...
Qeveria japoneze është e përgatitur të shkatërrojë 77 për qind të barnave orale Covid-19 që bleu gjatë pandemisë së koronavirusit të ri, sepse ato janë të papërdorura, sipas një vlerësimi të bazuar në të dhënat e qeverisë të publikuara këtë të shtunë.
Nga ilaçet orale të ofruara për 5.6 milion njerëz, ilaçet për 4.3 milion njerëz mbeten të papërdorura.
Prodhuesit e barnave i kanë vënë tashmë barnat në dispozicion të publikut dhe qeveria mund t’i sigurojë ato vetëm në rast emergjence pasi statusi ligjor i sëmundjes u ul në të njëjtën kategori me gripin sezonal në maj të vitit të kaluar, njoftoi Ministria e Shëndetësisë.
Vlerësohet se barnat që do të asgjësohen kur të skadojnë kapin vlerën e 300 miliardë jen (1.79 miliardë euro).
Japonia ka shkatërruar tashmë 240 milionë vaksina Covid-19 pasi fillimisht nënshkroi kontrata për të blerë 930 milionë vaksina dhe më vonë anuloi disa.
Ministria e Shëndetësisë njoftoi se vaksinat e shkatërruara ishin me vlerë 665.3 miliardë jen (rreth katër miliardë euro)./abcnews.al
