Erling Braut Haaland po shkëlqen me Salzburg, ka shënuar 23 gola në 17 ndeshje në të gjitha kompeticionet dhe shumë klube të mëdha evropiane janë vënë në ndjekje të 19-vjeçarit. Juventusi është një ndër opsionet për të ardhmen e tij.
Kampionët e Italisë e pëlqejnë shumë gjigantin e sulmit, por karriera e tij mund të vijojë në një tjetër kampionat. Kështu mendon babai i tij, i cili i shkel syrin klubeve angleze në prononcimin e dhënë për Talksport.
“Erling ka karakteristikat e duhura për të luajtur në Premier League. Ai dëshiron të transferohet aty në të ardhmen. Për momentin ndihet mirë te Salzburgu. Ndodhet në një klub të madh, po luan në Champions League dhe nuk ka ndërmend të nxitohet“, përfundon babai i ylli nordik. /abcnews.al
