Manchester United luan sot në Europa League kundër Partizan Beograd. Trajneri Ole Gunnar Solskajer ka folur për mediat ku, sqaron momentin e vështirë që po kalon ekipi, merkaton e janarit dhe synimet që ka.
“Prioriteti jonë tani është të na rikthehen të gjithë lojtarët e dëmtuar dhe të kalojmë në raundin tjetër. Nuk besoj se do të jemi aktiv në merkaton e janarit. Nuk do të kemi afrime, ndoshta mund të jetë vetëm një lojtar maksimumi dy, por merkatoja e verës është kryesorja”, deklaron trajneri norvegjez.
“Jemi në fillim të nëntorit. Nuk kemi aq pikë sa duam, por do të punojmë shumë për të arritur në ‘top four’. Askush nuk mund ta parashikoj renditjen prandaj duhet vetëm të përqendrohemi,”mbyll 46-vjeçari. United ka 7 pikë në 3 ndeshje në Europa League dhe me një fitore kundër serbëve arrin të sigurojë kalimin në fazën tjetër. /abcnews.al
