Kabineti i luftës në Izrael është mbledhur për të dytën ditë radhazi për të diskutuar se si vendi do t’i përgjigjet sulmit të Iranit.
Zëdhënësi i qeverisë David Mencer tha në një konferencë shtypi se Izraeli po ruan të gjitha opsionet e tij, shkruan Sky News.
“Ne rezervojmë të drejtën të bëjmë gjithçka që është në fuqinë tonë dhe do të bëjmë gjithçka që është në fuqinë tonë për të mbrojtur këtë vend”, tha ai.
Teherani u zotua të hakmerret për sulmin e dyshuar izraelit në konsullatën iraniane në Damask në fillim të këtij muaji.
Ambasadori i Iranit në Kombet e Bashkuara tha të dielën se sulmi ndaj konsullatës e justifikonte përgjigjen e Iranit. Ai theksoi se Irani nuk kërkon konflikt me Shtetet e Bashkuara./abcnews.al
