Juventusi vazhdon luftën në shumë fronte në fushën e blertë, por edhe në merkato. Drejtuesit e bardhezinjtë janë gjithmonë gati për të arritur akorde me lojtarë të rinj dhe të talentuar.
I fundit që pëlqehet nga “Zonja e Vjetër” është një holandez. Anglezja Mirror raporton se kampionët e Italisë pëlqejnë shumë Tahith Chong, 19-vjeçarin e Manchester United, të cilit i përfundon kontrata në fund të sezonit.
Chong aktivizohet në rolin e sulmuesit të djathtë dhe po aktivizohet me ekipin U23 të “Djajve të Kuq”. Një përfaqësues i Juventusit e ka ndjekur në ndeshjen kundër Stoke dhe është bindur nga kualiteti i lojtarit të talentuar. /abcnews.al
