Chelsea ka fituar me rezultatin 4-2 ndaj Leicester, duke siguruar kështu kualifikimin në gjysmëfinale të FA Cup.
Nicolas Jackson (13’) shënoi për t’i dhënë avantazhin 1-0 Chelseat pas një asistimi nga Marc Cucurella. Raheem Sterling humbi një penallti në minutën e 26-të për të dyfishuar rezultatin.
“Blutë e Londrës” megjithatë dyfishuan epërsinë pak çaste para përfundimit të pjesës së parë me Cole Palmer (46’) që shënoi për shifrat 2-0, pas asistimit të Raheem Sterling.
Në pjesën e dytë miqtë u rikthyen në lojë, pasi Alex Disasi (51’) shënoi për rezultatin 2-1.
Për të barazuar shifrat u përkujdes Stephy Mavididi (62’), i cili bëri disa driblime shumë të mira duke mos i lënë asnjë mundësi Robert Sanchezit. Chelsea mori epërsinë në minutën e 92-të me anë të Carney Chukwuemeka i cili u asistua mjaft mirë nga Cole Palmer për të shënuar epërsinë 3-2.
Goditjen përfundimtare mysafirëve në këtë takim ua dha Noni Madueke (98’), i cili shënoi për rezultatin 4-2 pas asistimit të Ben Chilwell.
“Blutë e Londrës” kështu u kualifikuan në çerekfinale të FA Cup dhe tani duhet të presin shortin për të mësuar kundërshtarin e radhës./ h.ll/abcnews.al
