Bologna do të ndeshet ndaj Interit të shtunën, me dy ekipet që kanë ecurinë më të mirë deri më tani në kampionat, ku regjistrojnë disa fitore radhazi. Në prag të kësaj sfide, ka folur trajneri i Bologna, Thiago Motta, i cili ka theksuar se Interi është skuadra më e fortë në Itali, por zikaltërit mund të kenë pika të dobëta.
“Ata janë favoritë në ligë, ata luajtën finalen e Champions League. Ka respekt të madh për kundërshtarin. Interi i pamposhtur në Europë? Kjo është vlera e ekipit me të cilin do të përballemi, duke shpresuar të kemi më shumë momente pozitive gjatë gjithë ndeshjes. Por të gjitha skuadrat kanë pika të dobëta, është e vështirë të gjesh një pa to Dihet që Interi ka shumë pak, por ka.
Ne do të përpiqemi të marrim rezultatin më të mirë të mundshëm, si gjithmonë. Deri më sot, ne jemi aty ku meritojmë të jemi” është shprehur ndër të tjera Thiago Motta./h.ll/abcnews.al
