Boksierja Donjeta Sadiku është kualifikuar në gjysmëfinale të turneut kualifikues botëror të boksit për Lojërat Olimpike ‘Paris 2024’.
Boksierja ‘dardane’ ka vazhduar me fitore në turneun kualifikues që po mbahet në Busto Arsizio të Italisë. Pasi triumfoi të martën ndaj boksieres nga Britania e Madhe, Shona Whitwell, Donjeta fitoi edhe të mërkurën kundër kundërshtares greke, Christina Linardatou.
Por, Donjeta nuk u ndal me kaq pasi ka fituar edhe të enjten në çerekfinalen e kategorisë deri në 60 kilogramë ndaj gjermanes Felicitas Ganglbauer.
Me këtë fitore, bokiserja kosovare është kualifikuar në gjysmëfinale dhe tani i duhet edhe një fitore për të siguruar biletën për Lojërat Olimpike ‘Paris 2024’. Ndeshja gjysmëfinale do të zhvillohet ditën e shtunë./h.ll/abcnews.al
