Rexhep Tajip Erdogan sulmoi sërish Benjamin Netanyahu.
“Izraeli po kryen një gjenocid të qartë kundër palestinezëve”, vuri në dukje presidenti i Turqisë, duke theksuar se “po masakron popullin”.
“Izraeli nuk i lë banorët e Gazës pa ushqim dhe ujë, ai po i masakron brutalisht dhe po hedh bomba. Prej 151 ditësh jemi dëshmitarë të një prej barbarive më të mëdha të shekullit të kaluar”, tha presidenti i Turqisë.
“Netanyahu dhe qeveria e tij e verbër, me mbështetjen e Perëndimit, po kryen një gjenocid të qartë kundër palestinezëv. Unë kam pranë meje vëllanë tim, Mahmud Abbas dhe i shpreh ngushëllimet e mia”, shtoi ai.
Në të njëjtën kohë, mediat turke theksojnë se Turqia vazhdon të eksportojë në Izrael duke thënë: “E para në eksportet e frutave dhe perimeve në Izrael. Vazhdojnë shitjet e çelikut, çimentos etj”.
/abcnews.al
