Loading ...
Kryebashkiaku i Vorës, Agim Kajmaku përbetohej publikisht në Facebook gjatë vapës djegëse të gushtit se jo vetëm që nuk i ishte ndaluar hyrja në Greqi, por se nuk ishte dënuar kurrë n ëkëtë shtet.
Për të vërtetuar këtë, ai tregonte edhe vulat e marra në doganën greke gjatë hyrje-daljeve të muajve të fundit.
Mirëpo, i gjithë ky rezultoi një përbetim i rremë pasi dokumentacioni i Prokurorisë vërteton se ai është dënuar në 13 janar 2003 për falsifikim kartmonedhash nga gjykata e Janinës nën emrin Jorgo Toto.
Prokuroria vërtetoi mbrëmë se shtetasi Jorgo Toto është pikërisht Agim Kajmaku, i cili duhej që ta deklaronte faktin se ishtë dënuar në Greqi tek formulari i dekriminalizimit.
Kajmaku tha se ai nuk e dinte që kishte një dënim për të në Greqi, por prokuroria thekson se ai është arrestuar në flagrancë për falsifikim kartmonedhash dhe fakti që ka një proces gjyqësor të hapur i është bërë e ditur kjo gjë.
Tani është mëse e vërtetuar se Kajmaku bëri betim të rremë në gusht të këtij viti, një rast i përsëritur ky edhe nga kryebashkiakë të tjerë, të cilëve iu zbuluan dënimet e mëparshme. /abcnews.al
