Olaf Scholz është shprehur kundër kandidimit të Ursula von der Leyen për shefe të NATO-s, sepse qëndrimi i saj “i ashpër” ndaj Putinit do të ishte një disvantazh, sipas mediave gjermane.
Kancelari gjerman, thuhet se i tha Antony Blinken, sekretarit amerikan të shtetit, se ai ishte kundër që von der Leyen të zgjidhej në krye të NATO-s, sepse ajo është shumë kritike ndaj Rusisë.
Von der Leyen konsiderohet si një pasardhëse e mundshme e Jens Stoltenberg, sekretarit të përgjithshëm të NATO-s, i cili do të largohet në tetor. Një tjetër pretendent është Mark Rutte, kryeministri holandez. Shanset e tij për të janë rritur që kur Scholz bllokoi von der Leyen.
Ben Wallace, ish-sekretari i mbrojtjes i Mbretërisë së Bashkuar është gjithashtu një nga pretendentët. Von der Leyen ka shërbyer si ministre gjermane e mbrojtjes nga viti 2013 deri në vitin 2019.
Në prill 2023, Britania u raportua nga The Sun se po konsideronte të vërë veton ndaj Presidentes së Komisionit Europian për këtë rol, duke përmendur performancën e saj si ministre gjermane e mbrojtjes nën Angela Merkel.
Muajin e kaluar, tensioni midis Scholz dhe von der Leyen u rrit kur BE-ja kritikoi Gjermaninë për premtimin e 7 miliardë eurove ndihmë për Ukrainën. Scholz njoftoi mbështetjen më 16 janar, pasi u kërkoi vendeve të tjera të BE-së të rrisin furnizimet e tyre ushtarake në Ukrainë.
Megjithatë, Thierry Breton, komisioneri i tregut të brendshëm të BE-së, kritikoi Scholz-in se nuk e mbështeti Brukselin.
Në dhjetor, Gjermania paraqiti një propozim që do t’u lejonte vendeve anëtare të reduktonin ndihmën ushtarake dypalëshe dhënë Ukrainës nga kontributi i tyre në EPF( Instituti Europian i Paqes).
Që kur Rusia pushtoi Ukrainën në shkurt 2022, EPF i ka ofruar Kievit armë me vlerë 4.5 miliardë euro. Ajo gjithashtu stërviti 34,000 trupa ukrainase, janë pjesë e një misioni stërvitor të BE-së.
Zyrtarët e Berlinit besojnë se vendet me industri më të mëdha të mbrojtjes si Franca apo Spanja duhet të shpenzojnë para për krijimin e armëve të reja, në vend që të përdorin rezervat e tyre ekzistuese ushtarake, të cilat EPF më pas i rimburson.
“EPF është i dobishëm, por mund të bllokohet nga një shtet i vetëm anëtar, siç ka ndodhur herë pas here në të kaluarën. Mbështetja dypalëshe është e drejtpërdrejtë dhe e shpejtë dhe duhet të konsiderohet si një kontribut të paktën ekuivalent.”
/abcnews.al
