Popullsia e Turqisë u rrit me 92,824 persona krahasuar me një vit më parë dhe arriti në 85.37 milionë banorë në vitin 2023, sipas të dhënave zyrtare.
Popullsia e meshkujve ishte 42.73 milionë ose 50.1% e totalit, ndërsa ajo e femrave ishte 49.9% ose 42.64 milionë vitin e kaluar, sipas shifrave të publikuara dje, të hënën, nga TurkStat, agjencia statistikore turke. Norma e rritjes vjetore të popullsisë ra në 1.1 për mijë banorë në vitin 2023, nga 7.1 për mijë në 2022.
Stambolli ishte qyteti më i madh për nga popullsia me 15.66 milionë banorë. Megjithatë, popullsia e saj ishte ulur me 252,027 në krahasim me një vit më parë. Pasohet nga kryeqyteti Ankaraja me 5.8 milionë, Izmiri me 4.5 milionë, Bursa me 3.2 milionë dhe Antalia me 2.7 milionë.
Të dhënat e TurkStat treguan gjithashtu se popullsia e huaj që jeton në Turqi u ul me 253,293 në një vit dhe arriti në 1.57 milion njerëz në 2023.
“Mosha mesatare e popullsisë së Turqisë u rrit në 34 vjeç në 2023, nga 33.5 në 2022,” sipas të njëjtit burim./abcnews.al
