Dy ushtarë izraelitë u plagosën në sulmin me raketa të së martës nga Hezbollah kundër komunitetit të Margaliot në Izraelin verior, pranë kufirit me Libanin.
Hezbollahu i Libanit njoftoi në të njëjtën ditë se gjuajti me raketa pozicionet e Forcave të Mbrojtjes izraelite (IDF), duke përfshirë një qendër komandimi.
Burimet libaneze të sigurisë thanë se, si hakmarrje, artileria izraelite goditi komunitetet Mays al-Zambal, Labuna, Kfarsuba, Houla, Tir Harfa dhe Nakura në Libanin jugor.
Një zëdhënës i IDF-së pohoi se ushtria izraelite goditi, ndër të tjera, një “observator” dhe një “infrastrukturë terroriste” për të eliminuar kërcënimet nga Libani.
Armiqësitë midis ushtrisë izraelite dhe Hezbollahut përgjatë kufirit izraelito-libanez janë përshkallëzuar që nga sulmi i paprecedentë nga Hamasi më 7 tetor dhe pas goditjes me çekan të Rripit të Gazës. Gjatë këtyre përleshjeve janë vrarë të paktën 183 terroristë të Hezbollahut dhe 10 ushtarë izraelitë, ndërsa nga të dyja palët ka viktima civile./abcnews.al
