Kryetarja Holta Zaçaj në një konferencë në ambientet e Gjykatës Kushtetuese ka bërë bilancin për vitin 2023. Gjatë fjalës së saj kryetarja e Kushtetueses foli edhe për marrëveshjen e emigrantëve me Italinë.
Zaçaj nënvizoi se Juridiksioni që vjen nga Kushtetuta, vijon të mbetet dhe nuk vihet në diskutim.
Marrëveshja me Italinë për emigrantët;
Holta Zaçaj: “Vendimi po punohet. Do i përmbahem deklaratës për shtyp. Gjykata tha me bindje se shteti shqiptar vijon të ketë juridiksion. Nuk mohuam përgjegjësinë e shtetit shqiptar për zonat që jepen në administrim të shtetit italian. Juridiksioni që vjen nga Kushtetuta, vijon të mbetet dhe nuk vihet në diskutim.”
Më tej ajo theksoi: “A jemi ne të intimiduar’? Ne bëjmë përpjekje maksimale për të funksionuar në mënyrë hermetike. Kur jep vendime duhet të bazohesh në Kushtetueshmërinë e vendimit dhe jo për faktin se sa popullor është. Për ne është me rëndësi të punojmë të shohim Kushtetutën. Vlen të theksohet se Gjykata flet me vendime dhe është i vetmi zë që ka gjykata.”
/abcnews.al/
