Loading ...
Gjykata Kushtetuese nuk e ka shfuqizuar masën për t’u paraqitur në SPAK dy herë në muaj për kryetarin e Partisë Demokratike, Sali Berisha.
Këtë të premte Kushtetuesja shqyrtoi ankimin e Berishës, që e kundërshton masën e “detyrimit për t’u paraqitur”, duke e quajtur si të papajtueshme me Kushtetutën.
Por Kushtetuesja me shumicë votash vendosi të mos i jap përgjigje finale pretendimit të Berishës por e ka kthyer atë sërish në Gjykatë të Lartë.
Kushtetuesja thotë se masa ndaj kreut të PD ndërhyn në lirinë e lëvizjes dhe shton se Gjykata e Lartë në vendimin e saj të prillit të 2025 nuk i ka dhënë përgjigje pretendimeve për nevojën dhe përshtatshmërinë e masës.
Me rikthimin e çështjes sërish, Gjykata e Lartë duhet të sqarojë dhe këto aspekte dhe të marr një vendim për ndryshim apo jo të masës.
Gjykata Kushtetuese ndërkohë nuk i ka dhënë të drejtë Berishës në pretendimet e tij për proces të parregullt ligjor.
