Ka shumë arsye për të besuar se popullariteti i këngëtares pop Taylor Swift mund të përkthehet në pushtet politik.
Praktikisht, rreth 18 për qind e votuesve amerikanë, duke përfshirë afërsisht tre nga 10 votues të rinj, thanë se do të kishin më shumë gjasa të votonin për kandidatin që ajo mbështeti, shkruan Bloomberg duke iu referuar rezultateve të sondazhit të kësaj jave të Newsweek.
Sipas sondazhit, nëse zgjedhjet në SHBA do të mbaheshin sot, rreth 48 për qind e amerikanëve do të votonin për Donald Trump, ndërsa mbështetja për Joseph Biden është pak më e ulët (42 për qind).
Votuesit e rinj amerikanë besojnë se presidenti amerikan Biden është shumë i vjetër, ata janë të mërzitur për luftën e Izraelit në Gaza dhe të frustruar me lehtësimin e borxhit të studentëve, por sipas Bloomberg, Swift mund të ndihmojë Biden.
Ylli i kudondodhur i popit ka dominuar jetën amerikane gjatë vitit të kaluar, nga turneu i saj i koncerteve rekord, që disa besojnë se ndihmoi SHBA-në të shmangte një recesion, deri te paraqitjet e saj në ndeshjet e Ligës Kombëtare të Futbollit në mbështetje të të dashurit Travis Kelce, i cili luan për Kansas.
Prezenca e saj u njoftua muajin e ardhshëm në Super Bowl, eventi më i ndjekur në Amerikë.
Siç kujton agjencia amerikane, dihet mospëlqimi i Taylor Swift për ish-presidentin Donald Trump, të cilin ajo e akuzoi se “ngjalli zjarrin e supremacisë së bardhë dhe racizmit” në një postim të vitit 2020 në Twitter.
Fuqia e saj për t’i bërë njerëzit të votojnë është gjithashtu e dukshme. Në shtator, Swift ftoi fansat e saj në Instagram të regjistroheshin dhe Vote.org raportoi rreth 35,000 regjistrime të mëvonshme./abcnews.al
