Fitore vendasish në Grupin A të Kategorisë së Dytë. Sopoti zgjidhi gjithçka brenda 45 minutave të para përballë Vorës. Reshka dhe Mici i dhanë fitoren shtëpiake ekipit librazhdian, që parakalon Mirditën dhe ngjitet në vend të dytë me 10 pikë, dy më pak se kryesuesit e Erzenit.
Klosi reagoi pas humbjes kundër Vllaznisë B dhe u rikthye te fitorja. Ekipi matjan fitoi në shtëpi 3-1 kundër Tiranës B. Golit të Meshajt bardheblutë iu përgjigjen me Beshirajn. Vendasit u rikthyen në avantazh 13 minuta përpara fundit. Doma gjeti rrugën e rrjetës, ndërsa Hima vulosi fitoren tre minuta më pas.
Në ndeshjen mes Internacionalit dhe Kamzës nuk ishte shënuar asnjë gol për më shumë se një orë loje, teksa u shënuan gjashtë të tillë në 25 minutat e fundit. Biba i miqve dështoi nga pika e penalltisë në minutën e 62-të dhe vendasit përfituan menjëherë. Internacionali shënoi 5 gola brenda 22 minutave, ndërsa Bode me anë të një penalltie gjeti golin e nderit për Kamzën. /abcnews.al
KATEGORIA E DYTË / GRUPI A
Internacional – Kamza 5-1
(Ajdini 65′, Xhuveli 68′, Shkreta 79′, 82′, Konci 87′ / Bode 90′)
Sopoti – Vora 2-0
(Reshka 19′, Mici 45′)
Klosi – Tirana B 3-1
(Meshaj 46′, Doma 77′, Hima 80′ / Beshiraj 58′)
