Aksident me pasojë vdekjen e një shtetasi në aksin Elbasan-Tiranë në tunelin e Kërrabës. Ngjarja ndodhi në orët e para të mbrëmjes së të shtunës.
Një automjet tip Seat që udhëtonte në drejtimin nga Tirana për në Elbasan, në tentativë parakalimi është përplasur me një kamion. Si pasojë e kësaj përplasje, mjeti tip benzinë gaz ka shpërthyer në flakë, ndërsa drejtuesi i saj ka vdekur në vend.
Gjithçka ka ndodhur rreth 100 metra në dalje të tunelit nga Tirana për në Elbasan. Mjeti është gjetur më dyer të hapura si pasojë e shpërthimit .
Në vendin e ngjarjes kanë shkuar policia dhe autoambulanca. Viktima e aksidentit është dërguar në morgun e qendrës spitalore në Elbasan dhe ende nuk është identifikuar. Grupi hetimor po punon për zbardhjen e rrethanave të këtij aksidenti.
./abcnews.al
