“Blutë” e Chelsea pësoi një tjetër disfatë në kampionatin anglez të futbollit, Premier League teksa u mposht nga “Ujqërit” e Wolverhampton me rezultatin e ngushtë, 2 me 1, duke thelluar vazhdimësinë e rezultateve negative, në elitën e futbollit anglez.
Menjëherë pas ndeshjes, një fjalë për mediat e tha edhe teknikut i “Bluve të Londrës”, Mauricio Pochettino, i cili ndryshoi menjëherë fokusin e objektivit, teksa foli për merkaton e janarit, duke theksuar se kërkojnë një skuadër me djem të ri.
“Unë jam në komunikim të vazhdueshëm me drejtorin sportiv, nëse do të na shfaqet ndonjë mundësi do të jemi gati për ta shfrytëzuar. Objektivi është të kemi në skuadër të rinj me shumë talent, do të flasim në klub dhe do të marrim vendimin më të mirë për Chelsea-n. E pranoj se jam i zhgënjyer nga ajo që kemi arritur deri tani, por e prisja të ishte e vështirë. Edhe rrethanat nuk ishin në favorin tonë pasi patëm shumë dëmtime”,- u shpreh tekniku argjentinas. /i.m /abcnews.al
