“Legjenda” e futbollit gjerman dhe ish-Presidenti i “Bavarezëve” të Bayern Munich, Karl-Heinz Rummenigge, i drejtpërdrejtë në gjykimin e tij për të ashtuquajturën Superligë të Europës, shpjegon pse “gjigantët” e futbollit gjerman e refuzuan që në fillim si projekt.
Legjenda gjerman më tej merr si shembull kualifikimin e Kopenhagës në Champions, për të shojeguar se futbolli i ka emocionet tek e papritura, tek ëndrrat e skuadrave të vogla, që shpeshherë bëhen realitet.
“Seria A do të bëhej Serie B dhe Bundesliga divizioni i dytë. Turne të dobëta. Dhe a e dini pse e gjithë kjo? Për të dëmtuar Premier League, që fiton më shumë thjesht sepse është më mirë. Sidomos skuadrat spanjolle donin ta dëmtonin dhe shpikën këtë turne, i vetmi që do të vlente. Mirupafshim Juventus-Cagliari, lamtumirë Bayern-Bielefeld. UEFA ofron turneun më të mirë të mundshëm, Liga e re e Kampionëve me 36 skuadra do të jetë edhe më spektakolare dhe e hapur.
A i keni parë festimet e Copenhagen për kualifikimin mes 16 më të mirave në Champions? E mendonin të fundit, por u kualifikua. Në futboll ka gjëra të pamundura, emocione, nuk është matematikë. Modeli amerikan? Merita mbizotëron tek ne. Po je i mirë, fiton. Superliga do të ishte një ligë e pasur, ku fiton edhe nëse nuk fiton në fushë. Nuk është për ne”, përfundon Rummenigge. /i.m /abcnews.al
