Talenti i PSV-së, Donyell Malen, është një nga lojtarët më në formë të momentit. Sulmuesi holandez ishte një produkt i akademisë së Arsenalit, por në Londër, nuk iu besua asnjëherë. Si pasojë, PSV përfitoi dhe e siguroi kartonin e tij për vetëm 200 mijë euro.
Dy vite më vonë, Arsenali duket se është penduar dhe ka bërë gati një ofertë prej 50 milionë eurosh, raportojnë mediet angleze. Në sulm, “Topçinjtë” kanë disa alternativa. Aubameyang, Lacazette dhe Pepe janë tre titullarët e padiskutueshëm, por po flitet për një largim te Lacazette drejt Rusisë së largët.
Francezi ka një klauzolë prej 65 milionë eurosh dhe mësohet se Zenit është gati të paguajë. Në rast se Lacazette do të largohej, do hapej drita jeshile për firmën e Malen./abcnews.al
