Pas Kinës, ministrat nga vendet arabe dhe myslimane, të cilët kanë filluar një turne ndërkombëtar me synimin për t’i dhënë fund luftës në Lindjen e Mesme, nesër do të jenë në Moskë.
Ata do të priten nga ministri i Jashtëm rus Sergei Lavrov dhe do të diskutojnë për situatën e dëshpëruar në Gaza.
Turi i ministrave të jashtëm të vendeve të Ligës Arabe dhe Organizatës së Bashkëpunimit Islamik është hapi i parë i Komitetit Ministror Islamik për zbatimin e vendimeve të marra në samitin arabo-islamik, i cili u mbajt në Riad në fillim të muajit.
#Manama | Foreign Minister HH Prince @FaisalbinFarhan met with High Representative of the EU for Foreign Affairs and Security Policy, Mr. @JosepBorrellF, on the sidelines of the IISS Manama Dialogue 2023.#IISSMD23 pic.twitter.com/RX9wIh4obZ
— Foreign Ministry ?? (@KSAmofaEN) November 18, 2023
Në mbledhje u miratua një rezolutë që udhëzon ministrat e jashtëm të Arabisë Saudite, Jordanisë, Egjiptit, Katarit, Turqisë, Indonezisë, Nigerisë dhe Palestinës që të ndërmarrin veprime të menjëhershme ndërkombëtare në emër të të gjitha shteteve anëtare të Organizatës së Bashkëpunimit Islamik, Konferencës dhe Ligës Arabe.
Ministrat do të vizitojnë vende të tjera pas Kinës dhe Moskës për të përcjellë një mesazh të fortë për të arritur një armëpushim të menjëhershëm dhe për të lehtësuar hyrjen e ndihmave humanitare në Gaza, vuri në dukje ministri i Jashtëm saudit Princi Faisal bin Farhan.
Princi diskutoi të shtunën edhe me zyrtarin e politikës së jashtme të Bashkimit Europian Josep Borrell për zhvillimet në Gaza.
Top Saudi diplomat says Arab foreign ministers will visit China next week to begin a political process aimed at ending the war on Gaza and securing the immediate flow of humanitarian aid into the enclave. pic.twitter.com/TTIHv8a1Or
— Joseph Haboush (@jhaboush) November 18, 2023
/abcnews.al
