Padyshim, një nga lojtarët më të mirë në historinë e futbollit italian, e sidomos në repartin e sulmit është dhe “legjenda” e “verdhekuqve” të Roma-s, Francesco Totti, i cili ka qenë padyshim një nga “bomberët” më të mirë të kohës së tij.
Ditët e fundit, “legjenda” 47-vjeçare e sulmit ka dhënë një intervistë, për prestigjiozen italiane, “Corriere della Sera”, ku ka bërë një krahasim mes futbollit të dikurshëm dhe këtij të sotmit, ku vuri në fokus dhe ndryshimin e rolit të “numrit 10” e më pas bëri “fajtor” për këtë ndryshim, ish-“strategun” italian të pankiës, Arrigo Saçhi.
“Futbolli i sotëm është një tjetër vizion, një tjetër mënyrë loje, tani loja fizike mbizotëron mbi teknikën. Koha në të cilën kam luajtur gjithmonë, në çdo skuadër në Itali apo jashtë saj, ka pasur një ose dy lojtarë të nivelit më të lartë. Ishin një ose dy dhjetëra potencialë. Së bashku ata bënë numrin njëzet. Duhet të kemi qenë me fat, por futbolli ishte më mirë.
Numri 10 ishte ndryshe nga të tjerët, ai duhej të vraponte më pak, por të shfrytëzonte çdo mundësi talenti, një asistim, një breshëri, një driblim të vështirë. Ai duhej të ishte i kthjellët, gjithmonë i freskët. Saçhii e ndryshoi dhe i ktheu të gjithë në mbrojtje, kjo bëri që hapësira teknike të zhdukej për dhjetëshen e konsideruar si pikëmbështetje të skuadrës.”
Për fat të keq, ai pozicion në fushë, nuk ekziston më. Ai rol është zhdukur. Dhe në fakt nuk mund të gjej një ekip që më emocionon. Kujtoni si ka qenë Real Madrid, Barcelona, Liverpul apo Inter”,- u shpreh ish-“bomberi” i Roma. /i.m /abcnews.al
