“Çështja e Dibrës është një nga keqpërdorimet më të mëdha”. Ky është mendimi i deputetit Damian Gjiknuri për dosjen 184, ku opozita e akuzon si të përfshirë. Nga studio e ABC News, Gjiknuri u rikthye të flasë për këtë çështje dhe përgjimet ku dëgjohej ai.
Sipas tij, ai nuk ka kryer asnjë vepër penale. Bashkëkryetari i Komisionit të Posaçëm të Reformës Zgjedhore thotë se dosja 184 është një nga keqpërdorimet e mëdha që i është bërë prokurorisë me qëllim që të njëlloste zgjedhjet.
“Tërmeti është një alegori politike, se mund të jetë bërë meme, mund të ketë shumë metafora tërmeti, por nuk ka asnjë vepër penale atje, s’ka asnjë gjë të paligjshme. Unë nuk jam as person në hetim. Çështja e Dibrës është një nga keqpërdorimet më të mëdha që i është bërë prokurorisë shqiptare që është futur në përgjim një shtab i tërë politik 40 veta pa asnjë provë dhe është përgjuar vetëm njëri krahë për të njollosur një palë zgjedhje. Po të kishte probleme dosja e Dibrës atëherë do ishin kapur njerëzit në flagrancë”, tha Gjiknuri përballë gazetares Mirela Milori.
Sipas Damian Gjiknurit këto përgjime u montuan, u shitën në Partinë Demokratike dhe më pas u dërguan në mediat ndërkombëtare për të baltosur vendin.
“Në një bisedë private mund të thuash edhe një fjalë të papërshtatshme kjo nuk të bën që të bësh vepër penale sep po të intercpetosh bisedat private të çdo njeriu gjen fjalë të papërshtatshme. Kjo nuk i bën ata kriminelë. Është abuzim shumë i madh. Nuk kam asnjë merak për të. Zgjedhjet në Dibër në vitin 2016, rezultati i koalicionit, ne që ishim me PDIU kishte një diferencë me 4100 vota, viti 2017 po i njëjti koalicion vajti rezultati 7300 vota”, tha Damian Gjiknuri.
Intervista e plotë:
/abcnews.al
