Damian Gjiknuri
in a15:42 | 06/03/2020
Bashkëkryetari i tryezës për Reformën Zgjedhore Damian Gjiknuri është shprehur kundër propozimit të kryedemokratit Lulzim Basha për ngritjen e senatit krahas Parlamentit.
Përmes një statusi në Facebook, Gjiknuri shkruan se nëse vendi do ketë senat apo parlament është përcaktuar në Kushtetutë që në vitin 1998 dhe nuk mund të ndryshohet me deklarime elektorale të Bashës.
Lexo edhe: “Edhe Senat krahas Parlamentit”: Basha propozon reformë radikale për qeverisjen e vendit
Gjiknuri thekson se me propozimet e sotme, Basha saboton tryezën për Reformën Zgjedhore.
“Fatkeqësisht, me deklarimet e sotme, Basha ka vendosur që të mos njohë as propozimet zyrtare të dorëzuara deri më tani nga partia e tij në këtë tryezë dhe as dakordësitë e arritura mes palëve. Rikujtoj se deri më tani, palët kanë arritur konsensus si për rolin e Policisë së Shtetit, Prokurorisë, hetimin nga SPAK të veprave penale të korrupsionit zgjedhor, sanksionimin dhe mbrojtjen e raportuesve të shkeljeve zgjedhore, financimin miks të fushatave zgjedhore, identifikimin elektronik të zgjedhësve në qendra votimi ose fillimin e zbatimit me projekte pilot të votimit elektronik etj”, shkruan ndër të tjera Gjiknuri.
Statusi:
Një Bashë në tryezë, një tjetër Bashë në selinë e PD
Në ditën kur të gjithë prisnin që opozita jashtëparlamentare të paraqitej në tryezën e reformës zgjedhore për të dorëzuar propozimet e saja për çështjen e administratës dhe sistemit zgjedhor, Partia Demokratike vendosi ta shtyjë mbledhjen. Deklarimet publike të kryetarit të PD bien në kundërshtim me vet frymën konsensuale me të cilën ka ecur puna e deritanishme e tryezës politike të reformës.
Vizionin e tij për shtetin, Lulzim Basha mund ta deklarojë në fushata zgjedhore por kjo nuk ka lidhje me Kodin Zgjedhor. Sa për kujtesë, çështja se sa dhoma duhet të ketë Kuvendi i Shqipërisë është trajtuar gjërësisht në reformën kushtetuese të vitit 1998.
Fatkeqësisht, me deklarimet e sotme, Basha ka vendosur që të mos njohë as propozimet zyrtare të dorëzuara deri më tani nga partia e tij në këtë tryezë dhe as dakordësitë e arritura mes palëve. Rikujtoj se deri më tani, palët kanë arritur konsensus si për rolin e Policisë së Shtetit, Prokurorisë, hetimin nga SPAK të veprave penale të korrupsionit zgjedhor, sanksionimin dhe mbrojtjen e raportuesve të shkeljeve zgjedhore, financimin miks të fushatave zgjedhore, identifikimin elektronik të zgjedhësve në qendra votimi ose fillimin e zbatimit me projekte pilot të votimit elektronik etj.
Duke mos dashur të besoj se meraku i vetëm i Partisë Demokratike është sabotimi dhe dështimi i tryezës së reformës zgjedhore përpara datës 15 Mars, rikujtoj se mbledhja e rradhës së tryezës politike është ditën e Hënë, ora 10:00.
Mbetemi në pritje të propozimeve zyrtare të Partisë Demokratike mbi administratën zgjedhore dhe sistemin zgjedhor, për të cilin sikurse është rënë dakord, duke qenë se prek dhe Kushtetutën mund të kërkojë më shumë kohë edhe përtej 15 Marsit. Riktheksoj se mazhoranca ka vullnetin dhe detyrimin për ta përmbyllur sa më parë reformën zgjedhore duke adresuar plotësisht rekomandimet e OSBE/ODIHR.
Në tryezën politike të reformës zgjedhore diskutohen VETEM çështje që kanë të bëjnë me Kodin Zgjedhor. ASNJE çështje tjetër që shkon përtej kësaj nuk është objekt diskutimi në këtë tryezë!
ger ta11:51 | 04/03/2020
Damian Gjiknuri pas takimit të përfaqësuesve të Reformës Zgjedhore me trupën diploantike në vend, u shpreh për mediat se ka një frymë kompromisi me Partinë Demokartike.
“Ka një frymë kompromisi, kemi gjetur një hapësirë të përbashkët. Mbetet që ditët fundit të zgjidhen disa probleme kryesore, sic është depolitizimi i administratës”, tha Gjiknuri.
I pyetur nga gazetarët për qeverinë kujdestare të kërkuar nga opozita, Gjiknuri tha se kjo nuk është çështje e kësaj tryeze, dhe nuk di të ketë një marrëveshje politike për këtë.
“Qeveria kujdestare nuk është cështje e kësaj tryeze. Qeveria kujdestare është cështje kushtettuese dhe marrëveshje politike. Nëse ka marrëveshje politike po, por unë nuk di që qeveria të ketë një vullnet që të shkojë në qeveri teknike, pra janë gjëra të stërkonsumuara. Unë besoj se nëse ka vullnet dhe PD të vijë me këmbë në tOkë për disa gjëra, unë besoj se konsensusi është shumë i arritshëm”, tha Gjiknuri.
Më tej bashkëkryeyari i reformës Zgjedhore tha edhe njëherë se nëse është e nevjshme afati për përfundimin e draftit përfundimitar mund të shtuhet me 2-3 ditë.
“Në 15 mars synimi është që të arrimë një marrëveshje, jo se duam të shtujmë afatin. Nëse është e nevojshme të shtyhet 2-3 ditë është krej normale se 15 mari nuk ëhstë një datë e palëvizhsme. Në pjesnë e mbetur të bëjëm përpjekje për të gjitha cështjet. E rëndësishme është që palët të bëjnë kompromis’, tha Gjiknuri. /abcnews.al
ger ta13:15 | 03/03/2020
Damian Gjiknuri nuk e përjashton mundësinë se mund të ketë një shtyrje të afatit për realizimin e Reformës Zgjedhore.
Teksa 15 marsi është vendosur si afati i fundit, Gjiknuri tha se mund të kërkojë më shumë kohë, por sipas tij e rëndësishme është që në këtë datë të arrihet një dakordësi mes palëve.
“A do ketë shtyrej të afatit? Ka akoma shumë çështje të pazgjidhura në tavolinë. Mos shikoni 15 marsin si një datë… e rendësishme është që të kemi një dakordësi. E rëndësisshme është që në 15 mars ne të kemi rënë dakord për çështjet. Mund të ishte shumë mirë që në 15 mars t’i kemi të gjitha gati”, tha Gjiknuri.
Po ashtu ai sqaroi edhe se çfarë u diskutua në mbledhjen e sotme, ku tha se kanë bërë propozime për uljen e tavanit të shpenzimeve të partive gjatë fushatave elektorale. Gjiknuri theksoi se kanë rënë dakord me Partinë Demokratike për financim miks të partive.
“Kemi bërë disa propozime për uljen e tavanit të shpenzimeve të partive. Çështja që diskutohet është se sa ku kontribut do ketë nga buxheti i shtetit dhe sa fonde të pavarura. Këtu je i në disktum dhe po marrim edhe mendimet e ndërkombëtarëve.
Pjesa e ligjit të finacimit të partive mund të na marrë më shumë. Jemi për fanincimim miks, na vjen mirë që edhe PD ka hequr dorë nga financimi 100%. Janë futur elementë të tjerë garancie, monitorim më i imët, raportim nga palët e treta, futja në prces. Shumë elememtë të tjerë garantues që kanë ardhur edhe nga rekomandimet e ohir por edhe PD”, deklaroi Gjiknuri. /abcnews.al
PD kërkon hetimin e krimeve zgjedhore nga SPAK, Gjiknuri përjashton diskutimet për qeveri tranzitore
in a16:36 | 12/02/2020
Policia do të ketë rol më të madh gjatë ditëve kur shqiptarët do t’i drejtohen kutive të votimit.
Kjo kërkesë e Partisë Demokratike është diskutuar sot më në detaje në tryezën e Reformës Zgjedhore, ku ndryshe nga takimet e mëparshme ishin të pranishëm dhe dy ekspertë të ODIR-it.
“Është roli i Policisë së Shtetit në një kuadër masash, të garantojë fushën e barabartë të lojës”, theksoi ish deputeti i PD, Oerd Bylykbashi.
Deri më tani asnjë çështje që lidhet me akuzat për krime zgjedhore nuk është hetuar nga organet e drejtësisë. Këtë PD pretendon që ta bëjë struktura e posaçme kundër korrupsionit dhe krimit të organizuar.
“Kemi bërë propozime në lidhje me rolin që duhet të ketë Prokuroria, qoftë Prokuroria e Posaçme qoftë ajo e zakonshme”, u shpreh Oerd Bylykbashi.
Pjesë e kësaj tyreze nuk do të jenë diskutimet për krijimin e një qeverie tranzitore para zgjedhjeve, siç kërkon PD.
“Ato gjëra që nuk janë arritur me “luftë” në rrugë nuk mund ti marrësh në tavolinën e negociatave. Nuk ka sens të diskutohet kjo gjë në këtë tavolinë. Është një çështje e natyrës politike për të cilën Partia Demokratike ka qasjen e saj, por mazhoranca e ka bërë të qartë. Qeveria është kushtetuese, qeveritë teknike nuk janë të dobishme për popullin”, deklaroi Damian Gjiknuri.
Përfaqësuesja e opozitës parlamentare në tyrezë, Rudina Hajdari tha se nuk do të hiqet dorë nga ndryshimi i sistemit. Për propozimet e PD ajo pati këtë koment: “Kishte edhe propozime të tjera që erdhën nga PD-ja, por vijnë të një natyre politike. Propozimet do ishte mirë t’i kishim marrë më herët, që takimet të jenë sa më produktive”, tha më tej Rudina Hajdari.
Në tryezën e ardhshme diskutimet do të fokusohen tek financimi i fushatave zgjedhore. Palët janë dakordësuar që të kenë një dokument të dakordësuar deri më 15 mars.
Autor E13:27 | 12/02/2020
Damian Gjiknuri ka hedhur poshtë zërat se në tryezën e Reformës Zgjedhore është duke u diskutuar edhe idea për një qeveri teknike. Në një deklaratë për mediat pas përfundimit të tryezës së sotme, Gjiknuri tha se kjo është kërkesë e Partisë Demokratike, por se nuk është duke u diskutuar prej tyre.
Madje, bashkëkryetari i Komisionit për Reformën Zgjedhore tha se është jashtë mandatit të grupit të punës diskutimi edhe i rishikimit të Reformës territoriale kurse për propozimin e PD për hetimin e krimeve dhe korrupsionit zgjedhor nga SPAK e la të hapur si çështje.
“Vazhdon puna e grupit të punës. Patëm disa propozime sot nga PD, për kuotat gjinore dhe për disa problematika që ata duan të përfshihen në legjislacion lidhur me rolin e Policisë së Shtetit apo parandalimin e krimeve zgjedhore.
Jemi në frymën për të gjetur bashkëpunimin apo për të reflektuar për kërkesat e arsyeshme. Jo të kërkojmë çdo lloj kërkese politike që mund të realizojë diçka”, tha Gjiknuri duke shtuar se Komisioni për Reformën Zgjedhore nuk ka tagër të prekë çështje të reformës territoriale. /abcnews.al
in a15:44 | 27/01/2020
Përfaqësuesit politikë dhe ekspertët e reformës zgjedhore u mblodhën këtë të hënë në zyrat e delegacionit të Bashkimit Evropian në Tiranë.
Me praninë e ambasadorit Britanik, tryeza elektorale jashtë parlamentare, miratoi kalendarin e punës.
Kryefjalë e tyre janë shqetësimet e opozitës për ndarjen e politikës nga krimi. Ato janë planifikuar të kthehen në amendament brenda datës 10 shkurt.
“Reflektojnë dhe shqetësimet e opozitës, duke filluar nga përmirësimi i administratës zgjedhore, financimit të fushatës zgjedhore apo çështje që kanë të bëjnë me krime zgjedhore. Ne ia kemi bërë të qartë opozitës që për çështjet që i mendojnë shumë specifike le të vijnë me propozimet e tyre”, u shpreh Gjiknuri.
Opozita kërkon që të merren masa shtesë në raport me ligjin e dekriminalizimit, por ende nuk specifikon se cilat mund të jenë këto masa.
“Përfshihen çështje të shitblerjes së votës, ndarjes së politikës nga krimi. Përfshihen probleme të rënda zgjedhore të gjitha masa që kanë si emërues së përbashkët vullnetin politik për të ndarë krimin nga politika”, theksoi Bylykbashi.
Në kalendar është përfshirë dhe diskutimi i sistemit zgjedhor, çështje e cila është lënë për në fund, në 10 mars, duke zbehur mundësitë që vërtetë të shkohet tek ndryshimi i sistemit.
“Asgjë nuk është kufizuar. Do të trajtohet sistemi zgjedhor, do të trajtohet edhe çështja e votës së diasporës. Nuk do të ketë ndërhyrje edhe në Kushtetutë nëse është e nevojshme”, tha më tej Rudina Hajdari.
15 marsi është një afat i afërt, për disa i arritshëm, e për disa jo.
“Data 15 mars është një datë shumë ambicioze”, u shpreh Hajdari.
Ndërsa Gjiknuri theksoi se: “Se është afat ambicioz, por nëse ka vullnet mund të jenë zgjidhur problemet kryesore.”
“Opozita është e angazhuar maksimalisht për të ecur me shpejtësi”, tha më tej Bylykbashi./abcnews.al
ger ta18:41 | 20/01/2020
Dy bashkëkryetarët e Komisionit Parlamentar për Reformën Zgjedhore Damian Gjiknuri dhe Rudina Hajdari i janë drejtuar me letër zyrtare ODIHR-it ku kërkojnë nga ana e tyre dërgimin e një eksperti qeë do të punojë sëbashku me ekspertet vendas në hartimin e drafteve përfundimtare në kuader të Reformes Zgjedhore.
Nderkaq, Komisioni mbetet në pritje të caktimit të eksperteve nga opozita jashtëparlamentare që sëbashku me ekspertët e komisionit të fillojnë menjëhere dhe pa humbur kohë punën në zbatim të marrëveshjes së arritur pak dië më parë./abcnews.al
ger ta20:54 | 16/01/2020
Damian Gjiknuri nuk e përjashton mundësini e një takimi mes kreut të opozitës Lulzim Bashës dhe kryeministrit Edi Rama.
Teksa sot u mbajt mbledhja e parë e Këshillit Politik në kuadër të Reformës Zgjedhore, Gjiknuri tha se do vijë një moment që do ketë takime edhe në nivele më të larta.
I ftuar në “Mbrëmje në Abc” me Mirela Milorin, Gjiknuri tha se do vijë një momet që palët do ulen, dhe se Basha ka komplekse për çështje të brendshme.
“Kryeministri e ka bërë ftesën kur ra tërmeti, do të thotë që ai e ka shtrirë dorën. Zoti Basha ka krijuar një kompleks për çështje të brendshme. Unë mendoj se një të ardhme natyrshëm që do vijë një moment që palët të ulen. Ky vend është shumë i vogël për tu ndarë, dhe duhet të ketë një dialog në nivel edhe më të madh”, tha Gjiknuri mes të tjerash.
Ndërsa i pyetur nëse marrëveshja për reformën zgjedhore do të sjellë zgjedhje të parakohshme, Gjiknuri nuk e beson një gjë të tillë.
Pjesë nga intervista në studio:
Ne jemi të hapur për ta parë. Problemi është se cfarë sistemi do zgjedhim. Kështu themi e ka fajin sitemi. Po cfarë sistemi do zgjedhim, se të gjithë mund të ketë një ide për sistem. Po këta kryetarë do hedhin firmat edhe në listat e hapura. Unë jam i tërhequr, mendimi im personal mendoj që koalicionet duhet të hiqen. Partitë të garojnë pa koalicion, të marrin hiset e tyre dhe pastaj të vendoset për koalicion.
Flitet që produkti i kësaj tryeze sot do aplikohet në zgejdhjet më të afërta dhe flitet që do ketë zgjedhje të afërta, apo ky produkt do jetë për zgjedhjet e 2021?
Ne po i bëjmë kodin për zgjedhjet e 2021. Nuk është çështje e kësaj bisede, nuk ka një marrëveshje për zgjedhje të parakohshme. Nëse politika vendos, këtë e zgjedh vetëm mazhoranca. Vetë kryeministri Rama ka thënë zgjedhjet janë në 2021, por na takon ne si mazhorancë që të vendosim kur takojnë zgjedhjet e parakohshme
Unë kam pyetur zotin Vasili, të gjithë si opozitë kanë pranuar të ulen në tryezë me ju, përvec akuzës Rama ik, të largohet gjiknuri, ju vetë si ndiheni?
Unë vetëm jam mësuar me akuza. Nuk është gjë e mirë. Akuza politike ka mbi çdo politikan. Më gjej një që nuk është i akuzuar. Në rastin tim, nuk kam akuzë penale, nëse fjala tërmet përbën vepër penale. Këtu fatkeqësisht ndodhi edhe tërmeti natyror. Mua nuk më bën përshtypje, jam i gatshëm të ndërtoj ura kompromisi. Kam dëshirë të punoj me të gjithë kolegët, pavarësisht akuzave politike.
Ka kundërshtarë dhe skeptikë të kësaj tryeze si zonja Topalli, e kanë me Bashën, mendojnë se është një pakt Rama- Basha…
Shumë aktorë edhe brenda së djathtës duan të kompleksojnë Bashën. Ne mbajmë mend që shumë njerëz kritikuan Ramën për marrëveshjen me Berishën. PD e ngriti shumë stekën, tha fjalën e fundit dhe për këtë arsye pritshmëria ka qenë e lartë. Nga pikëpamja është luftë e brendshme, dhe përdorimi i emrit tim është për të kompleksuar Lulzim Bashën.
Ju keni tënë në fillim se jeni i gatshëm edhe nga pozicioni juaj? Por eni qenë i qetë dhe keni thënë përmes tryezës do kalojë?
Unë i besoj logjikës politike. Janë ulur palë që kanë qenë në luftë me njëri-tjetrin. Unë e bëra atë ofertë, por ata nuk kishin problemin tim, ata nuk njohnin komisionin. Unë isha ai që në këtë periudhë dita të kaloj përtej akuzave. Mua më pëlqen në politikë kompromisi.
Produkti i kësaj tryeze mendoni se do jetë afatgjatë, apo sa për të kaluar krizën?
Nuk mund të parashikoj, e rëndësishme është se po fillon me një hap dialogu. Kemi humbur shumë kohë, duhet ti kthejmë sytë nga e mira publike. Le të fokusohemi te kjo gjë që është shumë e rëndësishme, por mbase kjo do jetë një ogur i mirë.
Mendoni se do ketë një takim Rama-Basha, të këtyre niveleve?
Kryeministri e ka bërë ftesën kur ra tërmeti, do të thotë që ai e ka shtrirë dorën. Zoti Basha ka krijuar një kompleks për çështje të brendshme. Unë mendoj se një të ardhme natyrshëm që do vijë një moment që palët të ulen. Ky vend është shumë i vogël për tu ndarë, dhe duhet të ketë një dialog në nivel edhe më të madh.
/abcnews.al
in a20:31 | 16/01/2020
I ftuar në studion e “ABC News” me Mirela Milorin, Bashkëkryetari i Komisionit të Posaçëm, Damian Gjiknuri ka folur për reformën zgjedhore. Gjiknuri vlerësoi marrëveshjen me opozitën duke e cilësuar si një kthesë pozitive të Partisë Demokratike.
“Një pjesë e qëndrimeve të opozitës ka ngritur një kërcënim në lidhje me balancën e zgjedhjeve të lira dhe të ndershme. Shumë nga çështjet që ngre PD nuk kanë të bëjnë me Kodin Zgjedhor. Nuk do të zgjidh problemet e gjithë këtyre viteve, kjo tryezë nuk mund ti zgjidhë të gjitha”, tha Gjiknuri.
Sa i përket çështjeve që kanë të bëjnë me administrimin e zgjedhjeve dhe sistemin zgjedhor ai u shpreh se është një çështje politike e cila sërish duhet diskutuar.
Më tej Gjiknuri tha se përfshirja e krimit të organizuar në zgjedhje duhet hetuar nga organet hetimore.
“Çfarë mund të bëjë eskperti për përfshirjen e krimit të organizuar, është vepër penale dhe duhet të merren organet hetimore për të goditur krimet”, tha Gjiknuri.
Ndërkohë Gjiknuri theksoi se kërkesat e opozitës janë kërkesa më shumë me karakter politik.
Depolitizimi i administratës
“Këtë iniciativë dua të ia lë opozitës të vijë me një propozim nëse ka një variant më të mirë për depolitizimin. Formulimet në lidhje me administratën zgjedhore të çdo niveli, nëse PD vjen me propozime të saj, ne do ti pranojmë nëse janë përputhje me OSBE/ODIHR”, tha Gjiknuri.
Më tej ai u shpreh se kur ka mungesë dakortësimi i drejtohemi ekspertizës ndërkombëtare./abcnews.al
ger ta17:59 | 16/01/2020
Ka përfunduar takimi i Këshillit Politik. Rudina Hajdari u shpreh se opozita parlamentare do të ketë kontributin e saj dhe se ka rol kyç.
“U diskutua edhe fakti që roli jonë është kyc në këtë tryezë, tregon që ne do japim kontributin tonë. Edhe komisoni do vazhdojë dhe do ketë rolin, si bashkëkryetarë ne kemi një fuqi, në lidhje me mundësinë vetos në produktin final. E rëndëisshme për ne është fakti që produkti final duhet të jetë sa më gjithëpërfshirës”, tha Hajdari.
E pyetur nga gazetarja e Abc News, Esiona Konomi se nëse do përdorë opozita parlamentare veton për të kryqëzuar ndryshimin e sistemit, Hajdari tha: “Për ne është e rëndësishme arritja e konsensusit. Edhe palët e tjera kanë folur për ndryshimin sistemit, dhe nuk është përjashtuar nga tavolina. Është një gjë për tu parë. Ajo që është e rëndësishem është fakti që ne të kemi një produkt të dakordësuar me palët. Unë mendoj se hapja e listave do ishte një gjë shumë pozitive dhe çlironte energji pozitive. Mendoj se takimi ishte i sukseshëm, përfshirja e palëve ishte gjë e mirë dhe ne do vijojmë të takohemi”, tha Hajdari.
Përfaqësuesi i PD, në këtë mbledhje Oerd Bylykbashi tha se mbledhja autorizoi përfaqësuesit politikë dhe ekspertët që të operojnë me konsensus.
“Sapo u konstituua Këshilli Politik sipas dokumentit të kompromisit për fillimin e refomës zgjedhore, dokument i cili përcakton procedurën në çfarë mënyre do të ecë kjo reformë zgjedhore, e cila duhet të mbyllet brenda 15 marsit. Ky Këshill autorizon përfaqësuesit politikë dhe ekspertët që të operojnë me konsensus. Ky konsensus duhet të qendrojë deri në momentin e miratimit, siç është dakortësuar në dokumentin e kompromisit dhe ajo që ne bëmë të ditur, qendrimin e opozitës së bashkuar, i cili do të bëhet publik është prioriteti i çështjeve, që pëpruthet 100% me prioritetet që përcakton OSBE/ODIHR: lufta kundër shitblerjes së votës, presioni mbi zgjedhësit, presioni mbi zgjedhësit, që janë, punonjës të administratës, abuzimi me burimet shtetërore, manipulimi i listave, keqpërdorimi i policisë së shtetit , cënimi i sekretit të votës
dhe cënimi i lirisë së votës. Këto janë ato çështje që reforma do t’i trajtojë me prioritet dhe, sigurisht të trajtojë të gjitha çështjet e tjera pa asnjë përjashtim, duke patur parasysh arritjen e rekomandimeve dhe standardeve të OSBE/ODIHR-it. Ky dokument do t’ju bëhet publik dhe besoj që nga ky moment detyra e përfaqësuesve politikë dhe ekspertëve është të ecin shpejt me hartimin e reformës brenda një periudhe sa më të shkurtër, brenda 15 marsit”, u shpreh Bylykbashi.
I pyetur nëse do të pranonjnë që kjo reformë të miratohet nga një Kuvend që ju e quajnë ilegjitim, Bylykbashi tha: “Unë nuk kam çtë shtoj asgjë nga dokumenti i kompromisit. Aty bëhet shumë e qartë – Kuvendi i Shqipërisë duhet ta miratojë atë që do të dalë me consensus, pa asnjë ndryshim“.
Ndërsa edhe për Damian Gjiknurin, mbledhja e sotme kishte si qëllim arritjen e një konsensusi.
“Mbledhja e sotme ishte me qëllim gjetjen e një konsensusi, ku një pjesë të drejtave duhet ti ketë opozita joparlamentare, mirëpresim të fillojmë nga puna . Nga ana tjetër kërkojmë që nga e hëna të fillojë puna mes përfaqësuesve te opozitës me qëllim që këtë periudhë dymujore të arrijmë një kod të ri zgjedhor. Prioritet për këtë grup pune është çështja e sistemit zgjedhor. PD ka bërë një kthesë të madhe nga qëndrimet e saj shumn ekstremiste, për të gjetur kompromis mes oalëve ky është mesazhi më i mirë”, tha Gjiknuri./abcnews.al
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
