Stefano Pioli ka marrë lajme të mira që në ditën e parë te Milani. Qendra e mbrojtjes ka qenë problem te “Djalli” këtë sezon, pasi kanë pësuar shumë gola. Romagnoli është titullar i padiskutueshëm, por Musaachio ka bërë disa gabime dhe është kritikuar tepër.
Pikërisht në këtë repart, Milani ka marrë një lajm të mirë, pasi Mattia Caldara është rikthyer nga dëmtimi dhe duket gati për të zbritur në fushë. Italiani është një futbollist me shumë kualitet, i zgjuar në prapavijë dhe një nga mbrojtësit më të shpejtë në Serie A.
Së bashku me Romagnolin në qendër të mbrojtjes, Caldara pritet të bëjë një sezon të madh. Nga Italia raportohet se Caldara mund të zbresë në fushë që në takimin kundër SPAL, por gjatë muajit nëntor do të jetë në 100% e tij./abcnews.al
