Napoli prej kohëhs po tenton të zgjatë bashkëpunimin me Fabian Ruiz. Mesfushori spanjoll është nën kontratë deri në vitin 2023, por presidenti Aurelio De Laurentiis dëshiron të rinovojë me lojtarin dhe t’i zgjatë edhe me një vit kontratën.
Negociatat deri më tani nuk kanë qenë të suksesshme. Klubi italian e bleu mesfushorin nga Betis në verën e viti 2018 për 30 milionë euro dhe tanimë vlen dyfish. Gjithsesi as 60 milionë euro nuk i trembin klubet e mëdha europiane.
Barcelona ka dërguar para pak kohësh Eric Abidal, që e ka vëzhguar nga afër Fabian Ruiz. Katalanasit e duan, por në garë është futur edhe Real Madrid. Kjo është ajo çka raporton “El Mundo Deportivo”. Pogba dhe Eriksen janë kthyer në pista të vështira për madrilenët, kurse për Ndombele ka dyshime.
HAALAND – Napoli ndërkohë po përgatitet të nisë sulmin për të afruar një nga sulmuesit e rinj më të mirë në qarkullim. Erling Braut Haaland, futbollisti i Salzburg, është një lojtar të cilin klubi italian e ka vëzhguar prej kohësh. Tanimë do ta shohin edhe përballë në fushë, ndërkohë që po përgatiten të bëjnë një ofertë për ta blerë sulmuesin 19-vjeçar. /abcnews.al
