Benjamin Netanyahu në një konferencë ditën e sotme tha se Izraeli do të arrijë fitoren përfundimtare kundër Hamasit, të cilin ai e cilësoi si “një version të ri të nazizmit”.
“Ka shumë pikëpyetje për fatkeqësinë që na ndodhi dhjetë ditë më parë. Ne do të hetojmë gjithçka deri në fund”, tha fillimisht kryeministri izraelit, duke shtuar se “tani jemi të bashkuar për një qëllim, fitoren.
Ne do të fitojmë sepse bëhet fjalë për ekzistencën tonë në këtë tokë, e cila ka shumë forca të errëta”.
AHORA – Primer Ministro de Israel, Netanyahu: "Hombres, mujeres, niños, bebés" fueron secuestrados por "pueblos satánicos". pic.twitter.com/fuqehHURG6
— Javi?? (@JaviXCubaLibre2) October 16, 2023
“Hamasi është pjesë e boshtit të së keqes, i përbërë nga Irani dhe Hezbollahu. Ata duan ta kthejnë Lindjen e Mesme në humnerë”, tha Netanyahu.
“Tani shumë njerëz në botë e kuptojnë se me kë po përballet Izraeli. Ata e kuptojnë se Hamasi është një version i ri i nazizmit. Dhe ashtu si bota u bashkua për të mposhtur nazistët dhe ISIS-in, ashtu edhe ne duhet të bashkohemi për të mposhtur Hamasin”, theksoi ai.
“Dje jam takuar me anëtarë të familjeve të të rrëmbyerve. Jemi të përkushtuar ndaj të gjitha familjeve. Ne nuk po heqim dorë nga përpjekjet për kthimin e vëllezërve tanë”, tha ai, duke iu referuar pengjeve të mbajtura nga Hamasi në Gaza.
/abcnews.al
