Termocentralet diellore nuk duhet të jenë të vendosura në vende me një numër mbi mesataren e ditëve me diell dhe ky termocentral i vogël është më veriori në botë dhe e vërteton këtë.
Ndodhet në ishullin Svalbard, ishulli më i madh në arkipelagun e famshëm norvegjez Svalbard. Termocentrali i ri do të furnizojë me energji ndërtesën e Radio Isfjord, një stacion i themeluar në 1933. Fillimisht ishte vetëm një radio stacion, dhe sot shërben si qendër komunikimi dhe lidhja kryesore radio midis Svalbardit dhe kontinentit. Ai përfshin gjithashtu një stacion meteorologjik dhe një hotel për turistët dhe eksploruesit që shkojnë në Rrethin Arktik.
Stacioni është tërësisht i ndarë nga rrjeti elektrik, dhe më parë ka pasur energji me naftë. Falë burimeve të rinovueshme, vlerësohet se emetimet e gazrave të dëmshëm do të reduktohen deri në 70 për qind në të ardhmen.
Termocentrali është ndërtuar nga kompania kombëtare norvegjeze e energjisë Stor Norske Energy. Ai përbëhet nga panele solare të pavarura dhe instalim në çatinë e godinës kryesore, si dhe përveç paneleve fotovoltaike, vendosen edhe bateri për ruajtjen e energjisë.
Në këtë pjesë të planetit, për gjysmë viti nuk ka fare ditë me diell, kështu që gjeneratorët me naftë do të vazhdojnë të jenë një burim aktiv energjie në këtë vendndodhje. Kompania po e përdor projektin si një platformë eksperimentale për të testuar efikasitetin e sistemit hibrid, i cili kombinon energjinë diellore me burimet klasike si qymyri dhe nafta.
