Bundesliga ka një kryesues të ri. Borussia Monchengladbach u tregua e pamëshirshme përballë Augsburgut në shtëpi dhe fitoi 5-1. Vendasit i bënë një nisje spektakolare kësaj ndeshje dhe shënuan tre gola brenda 13 minutave të para.
Zakaria dhe Herrmann me anë të një dygolëshi mbyllën ndeshjen pa nisur mirë akoma. Në fund të pjesës së parë erdhi edhe goli i Alassane Plea. Francezi kishte dhuruar dy asiste më parë. Pjesa e dytë nuk pati histori.
Të dy ekipet shënuan nga një gol dhe përballja përfundoi m shifrat 5-1. Kjo ishte fitorja e katërt rresht në kampionat për Gladbahun, që ngjitet në krye të renditjes me 16 pikë. Vendi i dytë ndahet nga 5 skuadra me nga 14 pikë, ndërsa Augsburgu mbetet në kuotën e 5 pikëve. /abcnews.al
Borussia Monchengladbach – Augsburg 5-1
(Zakaria 2. Herrmann 8’, 13’, Plea 40’, Embolo 83’ / Niederlechner 80’)
