Klered Bozhanaj, autori i plagosjes së efektivit të “Shqiponjave”, Edlir Lleshi, është lënë në burg nga Gjykata e Tiranës, vendim i marrë paraditen e kësaj të shtune.
Në seancën për caktimin e masës së sigurisë, ai deklaroi se është amerikan dhe jo shqiptar, duke shfaqur paqëndrueshmëri mendore.
Edhe avokati i tij i mbrojtjes, Roland Llalla, kërkoi ekspertim të gjendjes mendore dhe shtrim të detyruar spitalor, por gjykata caktoi “arrest në burg.”
Ndërkaq, ABC News ka siguruar video nga plagosja e policit Alleshi.
Nga pamjet shihet se si efektivi Alleshi plagoset në këmbë, jashtë ambienteve të një lokali dhe më pas hyn brenda duke çaluar.
Autori 42-vjeçar Klered Buzhani u arrestua një ditë pas ngjarjes.
Teksa ishte duke patrulluar me motor, së bashku me 3 kolegë të tjerë, efektivi Edlir Alleshi dhe kolegu i tij, Ted Koldashi konstatojnë 42-vjeçarin, i cili ishte veshur sportiv. Pasi pa prezencën e policisë shtetasi është larguar me nxitim.
Efektivët i bënë thirrje që ai të ndalonte, por Buzhani është shprehur duke thënë “ikni ore, na lini rehat” dhe është larguar./abcnews.al
