Valon Jashari është i riu që ka bërë xhiron e rrjetit prej disa kohësh. Ai është bërë tepër viral në TikTok me videot e tij, në të cilat bën numra akrobacie. Valoni madje ka pasur raste kur ka pësuar dhe thyerje kockash, por nuk është ndalur.
Në një lidhje me Skype nga Ferizaj për “ABC e Mëngjesit”, ai ka treguar se që në fëmijëri ka qene elastik, por 5 vitet e fundit e ka marrë më me seriozitet.
Sakaq, Valoni ka zbuluar se njëherazi me pasionin për akrobaci, ndjek studimet për dizajn dhe punon te biznesi i familjes.
“Unë kam qene elastik që prej fëmijërisë dhe për një farë kohe e kam lënë anash. Edhe tani pesë vitet e fundit, po e marr më me seriozitet dhe po i përkushtohem më shumë. Unë aktualisht studioj në degën e dizajnit. Kemi dhe një biznes të vogël familjar për atë.
Ky është thjesht një pasion, sepse unë edhe punoj, dhe këtë e bëj thjesht për qejf. Unë dhe punët e shtëpisë i bëj me akrobaci. Për mua është më e lehtë t’i marr gjërat me kokëposhtë. Madje, ashtu mund të rri 24/7. Dita ime është ku ta gjej momentin më të lirë, unë jam me kokëposhtë”, u shpreh ai./abcnews.al
