Një aksident ka ndodhur mbrëmjen e kësaj të marte në aksin rrugor “Fier-Patos”. Mësohet se drejtuesi i motomjetit, Bledar Balla ka humbur kontrollin dhe ka dalë nga rruga. Si pasojë, ka ndërruar jetë pasagjeri Elton Bardhi dhe është plagosur drejtuesi i motomjetit.
Njoftimi i policisë:
Rreth orës 21:50, në aksin rrugor “Fier-Patos”, shtetasi 43-vjeç, banues në Fier, duke drejtuar motomjetin, ka humbur kontrollin mbi drejtimin e motomjetit dhe ka dalë nga rruga.
Për pasojë ka ndërruar jetë në spital, pasagjeri, shtetasi 40 vjeç, banues në Fier, si edhe është dëmtuar dhe ndodhet në spital në kujdesin e mjekëve, jashtë rrezikut për jetën, drejtuesi i motomjetit.
Grupi hetimor po punon për zbardhjen e shkakut të aksidentit./abcnews.al
