Manchester United pret në “Old Trafford” ekipin e Arsenalit, dy skuadra që njihen për rivalitetin mes tyre. Arsenali vjen në këtë takim pas një fitoreje 3-2 përballë Aston Villa, ndërsa “Djajtë e Kuq” u mposhtën në transfertë 2-0 nga West Ham. Kjo sfidë, edhe pse shumë herët, mund të vendosë shumë në garën e këtyre dy skuadrave, që synojnë një vend mes katër më të mirave.
Sezonin e shkuar, kjo sfidë u mbyll e barabartë 2-2, por të dy ekipet kanë ndryshuar shumë që nga ajo sfidë. Në kampin e United, situatë duket shumë kaotike, por një lajm i mirë ka ardhur sot nga infiermieria e klubit. Paul Pogba do të jetë gati. I pyetur për gjendjen e ylli francez, trajneri Solskjaer tha: “Paul është rikuperuar, por nuk do të luajë në Kupë përballë Rochdale. Në sfidën kundër Arsenalit, do të jetë 100% gati”./abcnews.al
